چارەسەری ئەندامی شاندی ئیمراڵیی پارتی یەکسانی و دیموکراسیی گەلان (دەم پارتی) و جێگری پەرلەمان سری سورەیا ئۆندەر لە بەشی چاودێریی چڕی نەخۆشخانەی (Florence Nightingaley) بەردەوامە.

ئەندامانی ئەنجوومەنی دایکانی ئاشتیی ئیستەنبوڵ، چوونە سەردانی ئەو نەخۆشخانەیەی کە ئۆندەری لێ چارەسەر دەکرێت. دایکانی ئاشتی لەلایەن شاندی دەم پارتییەوە پێشوازییان لێ کرا. دایکان زانیاریان وەرگرت دەربارەی ڕەوشی تەندرووستی ئۆندەر.