پەکەکە دماو بانگەوازەکەو ڕابەر ئاپۆی جە ٢٧و شوباتی، ئەرەیاوناش بەینو ٥-٧و ئایارینە کۆنگرەش بەستەن؛ قەرارو هورشێونایۆ و دمای پنەئاردەی بە ئەوەکۆشای چەکداریش دان. ئەرەیاوناکەی چنین ئاستێ جیاوازەنە تاوتوێ کریانە. جە دەسوەڵوستەی ژەنانە پەنەوازیم بە ئاشتییا یاگمور یورتسەڤەر پەی ئاژانسس هەواڵو فوراتی (ANF) قسێش کەردێ و ئاماژەش پانەیەدا ئەرەیاوناکەو پەکەکەی پەی ئی پڕۆسەیە هەنگامێوە ڕۆشن و ڕانیشاندەرا.

مشۆم دۆڵەتیش هەنگامە بنیۆنە

یاگمور یورتسەڤەر ئاماژەش پانەیەدا پەی ئانەی بانگەوازو ئەوەکۆشای گلێرگە و سیاسەتو دیموکراتیکو پەکەکەی جابەجێ کریۆنە، مشۆم دۆڵەتیش وەرپرسیارێتی وێس جابەجێ بکەرۆ و واتش: "پەکەکە ڕاستەوخۆ پەی ئەوەکۆشای گلێرگە و دیموکراتیکی و سیاسەتو دیموکراتیکی بانگەوازش کەرد، ئینە فرە بە هادارا. پەی ئانەی ئی بانگەوازە جابەجێ کریۆنە، مشۆم دۆڵەت  و حکومەت وەرپرسیارێتی گێرۆنە ئەستۆ. ئەوەکۆشای ئاشتیی بە تیرۆرکریای بییەن بە مەڵامەتو زینانی کەردەی هەڤاڵێ ژەنێما."

ژەنی پەی ئاشتی ئامادێنێ

یاگمور یورتسەڤەر ئانەش یاڏوستیمێ کە تەڤگەرو ژەنا ماوێوە فرەن تاوتوێ سەرو ئەوەکۆشای ئاشتیی مکەرا و جە ئەنجامو ئی تاوتوێیانە دەسوەڵوستەی پەنەوازم بە ئاشتیی بنیادنیا و واتش: "مشۆم گرڏ کەسێ پەی ئی پڕۆسەیە بە وەرپرسیارێتی و جدیەتەیۆ مامەڵە بلەرۆ. پێسە و ژەنا گرڏ ئەرکەکێ وێما جابەجێ مکەرمێ، هەم چەمدێری نزیکایەتی لایەنەکا مکەرمێ. جە دماینە گەرەکما بانگەواز جە گرڏ و ژەنا بکەرو، بەشداری دەسوەڵوستەی ژەنا پەنەواز بە ئاشتی بانە."