ڕاپیمای گۊرەو ئازاڎیی پۍ ئازاڎیی جەسەیی ڕابەروو گەلوو کوردی عەبدوڵا ئۆجالانی و چارەسەری سیاسی پرسیووکوردی جە دووۍ قۆڵێوە دەسش پنەکەرد ، جە یەرەم ڕۆنە بەردەواما. ڕاپیماکەی جە قۆڵوو قەرسیوە یاوا مەنتیقەو ئاڤکەڤری ئاگری.

بەنامۍ دەسەو ڕاپیمایاوە پەرلەمانتارو پارتو یەکسانی و دیموکراسیی گەلا (دەم پارتی) عەدالەت کایا قسێش کەردۍ، سەرنجش وست سەروو گۆشەگیری ئیمراڵی و واتش: "نوقتۍ سەرەکیە پۍ ئێمە ئازاڎیی جەسەیی بەڕێز عەبدوڵا ئۆجالانیا. بێجگە جە چارەسەری دیموکراتیکی پرسوو کوردی ڕای عالتەرە نییەنە. ڕووانە هاموڵاتیۍ و زارۆڵۍ کوشیا، تاوانەو جەردەوانی و سەروازا و پۆلیسی مشاریۆوە. دژوو مەردەی، وەرگیری جە ژیۋای کەرمۍ. پۍ دمایی ئاردەی بە جەنگی ، دەمودەس چنی بەڕێز ئۆجالانی کوۍ بیدۍ".

جە دمادمایی ئەرەیاۋناکەینە درووشمەو "ڕامانەکۍ ئیمراڵی ئازاڎیی گەلان" و "بژیۋۆ مدرامانوو زینڎانی" بەرزکریێوە. گلېرۆبیەی گەلی ئەنجامدریا و دماتەر هۊرپڕای سازکریا.

سەوای ڕاپیماکە جە چوارەم ڕۆنە جە مەنتیقەو پانۆسینە بەردەوامیش بۆ.