یۊ جە فەرماندەکاو هەپەگەی، ئارمانج مەد ئەرەیاۋناش، ساڵەو ٢٠٢٤ ېنەگەریلا سەرکۊتەیۍ گۊرە ۋەران ۋەروو ئەرەگیرانە بە دەس مارۆ و واتش، "متمانەما بە هێزوو ۋېمانە، هەرچیما جە دەس بێ کەرمېش. بە بەقوەتکەرڎەی بەشڎاریما، کۊشیایما میاونمۍ بە بەرزتەرین ئاست".

ئارمانج مەد، بەشڎاروو بەرنامېوە ستێرک تیڤی بۍ و جوابوو پرسیارەکا بەهار زاگرۆس-ێش داوە. سەرنجش وست سەروو ڕاسی تاریخی کوردا کە گەلێوە قەڎیمین، بەڵام جە سەڎەو ۋیسەمینە ڕووبەڕوو سیاسەتوو نکوڵی و پاکتاوی و ئاسیمیلاسیۆنی(تاونایۆ) بیېنێوە، واتش: "ئا شۊنۍ ماوېوە باخچەو مرۆڤایەتی بۍ، کریان بە جەهەنەم، سەرمەشقوو ئینەیچ دەوڵەتوو تورکین".

هێزوو پەکەکەی ڕاسی شمەن

ئارمانج مەد ئەرەیاۋناش، فرە گرنگ بۍ ڕابەروو گەلوو کوردی عەبدوڵا ئۆجالان هەنگامەش نیا و ئەرەیاۋناش، هێزوو پەکەکەی خۊتانکەرڎەین جە ڕاسی ۋېت. سەرنجش وست سەروو هەڵوێسوو ڕابەروو گەلوو کوردی عەبدوڵا ئۆجالانی و پەکەکەی کە دژوو بێهیوایی و بێ‌متمانەیی مردېوە و واتش، خۊتانکەرڎەیشا جە گرڎوو بەهاکا مرۆڤایەتی کەرڎ.

خۊتان هێزێوە شیکاریی گۊرەن

فەرمانڎەکە ئاماژەش پانەی کەرڎ بە کۊشیای گۆرەو پەکەکەی ۋەران ۋەروو هجومە هەمە جۊرەکانە و ئەرەیاۋناش، پەکەکە خۊتان هێزێوە شیکاریی گۊرەن. واتش: "پەنەوازەن گرڎ کەسۍ پەکەکەی و ڕابەر ئاپۆی عال بشناسا" و ئەرەیاوناش، جە حەفتاکاوە هێزە میان نەتەوەییەکۍ  شۊنیش کۊتېنۍ. مەد واتش "ڕابەر ئاپۆ ئینەش دی و پی مەڵامەتیچۆ هەرمانېوە گۊرېش کەرڎە. گرڎوو هەرمانەکا ڕابەر ئاپۆی بە پلانە و زانستیۍ بېنۍ".

ڕۆحوو مدرامانوو ١٤ و تەمموزی

ئارمانج مەد ئەرەیاۋناش، کۊشیای پەکەکەی جە ڕاو بەهاو گەشمەرڎاوە ئەرەمەرزیان، ئەشکەنجەو زینڎانی و مدرامانی تاریخی کادرە سەرمەشقەکاو پەکەکەیش ۋیرئاردۍ و ئەرەیاۋناش، پەکەکە بە تەجروبېوە گۊرەرە ۋیەرد و سەرکۊتەو ۋېش ئەرەیاۋنا. واتش، مدرامانوو گەریلاو ئیسەیچ سەروو میراتوو مدرامانوو ١٤و تەمموزیا.

ئێمە مزانمۍ جەنگەکە زەحمەت بۆ

فەرماندەکەو هەپەگەی ئەرەیاۋناش، تاکتیکوو گەریلای دژوو سەروازاو تورکی سەرکۊتەن و واتش، "چی ماوەنە چنڎین هامڕۍ قارەمانېما گەشمەرڎۍ بیۍ. جگە چانەیچ فشار و هجوم پۍ سەروو گەلەکەیما کریا. هەڵای گۆشەگیریی سەروو ڕابەر ئاپۆی بەردەواما. ئێمە مزانمۍ ئی جەنگە سەخت بۆ، بەڵام متمانەما بە هێزوو ۋېمانە، پۊکەی حەرچی جە دەسما بۍ کەرمېش. سەروو ئی بنەڕەتەیچە بەشڎاری ۋېما بەقوەت کەرمۍ و کۊشیایما میاونمۍ بە ئاستێوە گۊرە. ئی جەنگە بە سەرکۊتەی میاۆنە ئەنجام".