ئاسایش و ئێزیدخانی ئەرەیاۋناش، بەپلانەو دۊڵەتو ترکی و پەدەکەی ئارۊ ھجومۍ جە دژو ھێزەکاشا ئەنجامدریاو بی بە مەڵامەتو گەشمەرڎە بیەو ھامڕایما شێرزاڎ شەمۊ قاسم-ی. ئاسایش ئەرەیاۋناش، کە ئاڎۍ حەرەسۍ گەلەکەیشانۍ و ئېراڎەو شەنگالی ڕادەسو کەسی مەکەرانۍ.
ئاسایش و ئێزیدخانی جە بارەو ھجومو عاسمانی سەرسەعبو ئارۊی پۍ سەرو ناۋەنڎو شەنگالی ئەرەیاۋنێۋەش ۋەڵاو کەرڎۊ.
بەپاو ئەرەیاۋناکەی، ڕۊو ١و ئاداری سەعاڎ ١١:٣٠ دەیەقۍ ۋەڵۍ نېمەڕۊی جە دلۍ ڕاسەو شەنگالی جە دژو ترۊمبێلێۋە ئاسایش و ئێزدخانی ھجومۍ ئەنجامدریا.
جە ئەرەیاۋناکەنە ئامان،"چا ھجومەنە ھامڕاما شێرزاڎ شەمۊ قاسم جە ڕاۋەبەری ئاسایش و ئێزیدخانیەنە گەشمەرڎە بی".
جەبارەو وردەکاری ھجومەکەیۋە ئێمە زانېاری ۋەرفراوان پۍ ڕای گرڎینەی ۋەڵاو کەرمێۋە.
بەڵام ئێمە مزانمۍ کە ئا ھجومە جە تەرەفو ترکی ئەرەگېری و پەدەکەیۊ پلانەش پۍ نریێنەرەو بە دەسو خائېن و ۋۍ ۋرەشا ئەنجامدریان.
سەرەتا سەرەۋەشی جە خانەۋاڎەو ھامڕایما شێرزاڎی وگرڎو گەلەکەیما کەرمۍ. ماچمۍ جە پاو پارێزناو گەلەکەیمانە، پۍ پارێزناو ئێزیدخانی چ قوربانیێۋە پەنەوازبۊ بۍ دودڵی ئاماڎۍ ئا قوربانی داینمۍ.
داوا جە گەلەکەیماو پێکئاماکاو شەنگالی کەرمێنە کە جە دژوو ئا ھجومە قڕکەرانە قەرارو ھەڵۋێسی بەقوەتشا بۊ. دوژمنۍ ئێزیدخانی گەرەگشانە فەرمانە سەرو گەلەکەیمارە ۋەردەوامە بۊ. ئێمە جارێۋەتەر ئەرەیاۋنمێش کە ئاسایش و ئێزیدخانی ۋەرگیریکارو حەرەسو گەلەکەیشا و ئێمە ئېراڎەو گەلەکەیما، ئېراڎەو شەنگالی ۋێڕاۋەبەرو ئازاڎیی ڕادەسو کەسی مەکەرمێنە.
ھ.ش
