یەرەدە ئەرەیاۋناش، کۊششو ئازاڎیی گەلوو کورڎی بە سەرمەشق بیەو ڕابەر ئاپۊی و تەڤگەری ئازاڎیی کورڎسانی جە دژوو هزر و ۋیری ئەرەگیری کۊشیایۍ هزری و فەلسەفیین. چاپەمەنیی ئازاڎ جە دژوو جەنگی تایبەتی میانگەو کۊشیاین.
یۊبیەی یاۋنەری ئازاڎ (یەرەدە) ئەرەیاۋنېوەش بە بۊنەو گەشمەرڎەبیەو هەڤاڵ کاروان هۊرامی ۋەڵاکەرڎۊ.
جە ئەرەیاۋناکەنە ئامان:
" کۊششو ئازاڎیی گەلوو کورڎی بە سەرمەشق بیەو ڕابەر ئاپۊی و تەڤگەری ئازاڎیی کورڎسانی جە دژوو هزر و ۋیری ئەرەگیری کۊشیایۍ هزری و فەلسەفیین. چاپەمەنیی ئازاڎ جە دژوو جەنگی تایبەتی میانگەو کۊشیاین و سەنگەرو وەرنگاربیەیۊ ئا ھجومانە کە بە ئامانجو تاونایۊ هەستی نیشتمانی کریانە سەرو گلېرگەو کورڎسانی.
ۋەرکەوتوو کورڎسانیچ جە ئەۋەڵۊ جە ڕاو یاۋنەری ئازاڎی (مەد تیڤی، رۊژ تیڤی، ئاژانسی و...) هزر و فەلسەفەو رابەر ئاپۊیش ئشناسا و بەشڎاری کۊشیای ئازاڎی کورڎسانیش کەرڎ. پیلانگێڵی میان نەتەوەیی ١٥و شۆباتی و گېرتەو رابەر ئاپۊیش پېسە ھجومی جە دژوو میانگەو هزری ئی ئەرەکۊشایە پێناسە کەرڎ. ئینەیچ پاسەش کەرڎ فرېوە جە جوۋانا ۋەرکەوتوو کورڎسانی ئانۍ کە جە زانشتگەکانە ئاشناو جمیەرو رزگاریوازی پەکەکەی بیۍ بەشڎارۍ ریزەکا ئەرەکۊشای با.
هەڤاڵ محەمەد مەلێکی ئشناسیا بە کاروان هۆرام یۊ چا جوۋانا بۍ کە ساڵەو ٢٠٠٨ بەشڎارو ریزەکا گەریلای بۍ. هەڤاڵ کاروان جە دەگاو تەختەی سەر بە هەرێمو ژاوەرۊی هۊرامانی لک دریا بە فەرهەنگی نیشتمانپەروەریۊ گۊرە بی و جوۋانېوە ڕۊشنفکر و خۊتان یاواینەیۍ هزری قووڵ و کەسایەتیۍ هێور و سەرو وۍ بۍ. ئینەیچ پاسەش کەرڎ لاو هەڤاڵاوە و ئاڎیشاوە کە جە نزیکۊ ئشناسېنێش وەشەویس بۍ و یاگۍ متمانەی بۍ.
یاواینە فکری و ئاشنایی هەڤاڵ کاروانی چنی ھەرمانەو رۊنامەوانی و هەس کەرڎەی بە گرنگی ئی خەباتیە پاسەش کەرڎ کە جە سەرەتاو بەشڎاربیەیشۊ جە بەشە جیاوازەکا یاۋنەری ئازاڎینە ھەرمانە و کۊشیای کەرۊ و ئەرک وزۊنە سەرو شانا ۋېش. حەر پاسە بە هەستۍ وەرپەرسانۊ و بۍ مرڎای بەشڎاری خەباتیش کەرڎ و حیچ وەختۍ کېشە تەندرووستیەکۍ ۋېش نەکەرڎۍ ئاستەنگ وەردەمو بە یاگۍ یاوناو ئەرکەکاشەنە. بە گیانۍ شۊڕشگێڵی ئاپۊیی پۍ ماوەو زیاڎ جە ١٥ ساڵا عمرو ۋېش پەی گەلەکەیش فیڎا کەرڎ و بەشێوە فرەو عمری شۊڕشگێڵی ۋېش جە خەباتو یاۋنەرینە بەرڎ سەر.
هەڤاڵ کاروان سەرو ڕاو گەشمەرڎا، مه‌زلوم دۊغان، غوربه‌ت ئه‌لی ئەرسۊز، نوژیان ئەرهان، دەنیز فورات، قاسم ئه‌نگین، سیروان نالی و دۊزدار حه‌مۊی و گرڎو گەشمەرڎا یاۋنەری ئازاڎیی بی بە ڕێبوارو ڕاو حەقیقەتی.
گەشمەرڎەبیەو هەڤاڵ کاروان هۆرامی چی ساتە وەختەنە کە دووژمن جەنگی تایبەتو ۋېش دژوو گەلەکەیما چن قات کەرڎەن و گەرەکشا گەلوو کورڎسانی پاکتاو کەرۊ، پۍ یاۋنەری ئازاڎی و دیموکراتیکی و گەلی ۋڵاڎپارێزو کورڎسانی خەسارێوە گۊرە بۍ.
ئێمە پېسە یۊبیەی یاۋنەری ئازاڎی (یەرەدە) پەرسەو سەرەوەشی ۋېما ئاراسەو خانەواڎەو گەشمەرڎە کاروانی و گەلی ۋڵاڎپارێزی و رابەر ئاپۊی و گرڎو کۊششکارا یاۋنەری ئازاڎی مکەرمۍ. پەی پارېزناو ئا نرخەی کە گەشمەرڎا خوڵقنانشا و پۍ یاۋای بە ئامانجەکاشا، پەیمانو ۋېما چنی گەشمەرڎە کاروانی و گرڎو گەشمەرڎا ڕاو ئازاڎیی واوەی کەرمېوە.
حەرپاسە پۍ سەروستەو ئاخېزو "ژەنۍ ژیای ئازاڎیی" کە ئارۊ سەرو بنەماو هزر و فەلسەفەو رابەر ئاپۊی بیەن بە ئاخېزۍ جەهانی، ئاڵاو کۊشیایما بەرزتەر کەرمېوە و یاۋنەری ئازاڎ مکەرمۍ بە دەنگ و رەنگو ئازاڎیوازا.
گەشمەرڎە مەمرۊ
بژیۋۊ رابەر ئاپۊ
بژیۋۊ کۊشیای ئازاڎ
یۊبیەی یاۋنەری ئازاڎ (YRD)
١٩\٥\٢٠٢٣".
ھ . ش
