ئاویرو نەورۆزی منبجنە کریاوە
ئاهەنگو جەژنەو نەورۆزی کانتۆنو منبجینە دەسش پەنە کەرد، بە سەدان کەسێ بە دروشمو "بێ سەرۆکی ژیوای نمەبۆ"بە جلوبەرگی نەتەوەیییشاوە بەشدارییشا مەراسیمەکەنە کەرد.
جەژنەو نەورۆزی شارو منبجینە سەرنیشت و وەرکەوتو سوریاینە دەسش پەنە کەرد. ئاهەنگو نەورۆزی دامنەو کەشو تەوق ئەلخەلیلی پانیشتو شارو منبجینە دەسش پەنە کەرد و خەڵکێوە فرە فرەو شارەکڵە و دەگایەکاو کانتۆنو منبجیوە بەشداریشا ئاهەنگەکەینە کەرد.
گەلاو عەرەبی، کورد، ئەرمەنی و تورکمان بە جلوبەرگی نەتەوەیی وێشاوە، لوێ مەیدانو نەورۆزی و ئاهەنگەکەشا مەبارەک کرد.
مەیدانەکە بە ڕسمەکاو ڕابەرو گەلو کوردی عەبدوڵا ئۆجالانی و گەشمەرداو ئازادی ڕازیابێوە. بە نویسیایووە گەورە "ئازادیی پەی ڕابەر عەبدوڵا ئۆجالانی، چارەسەری سیاسی پەی پەرسەو کوردی" ورواسیابێ.
بەشداراو مەراسیمەکەی بەردەوام دروشمو "بێ سەرۆکی ژیوای نمەبۆ"یشا واتەو.
هەرپاسە چڵۆسکەو ئاویرو نەورۆزی لاو ئەداو گەشمەرداوە، بە گۆرانیە شۆڕشییەکاوە، بە دروشمو "بژیوۆ سەرۆک ئاپۆی" گیرسیانە.
