سوپاو عێراقی سەرسەعبوو ئارۊی بە سەیارەی زرەپۊش، شۊفڵ و هێزی تایبەتی حەوڵێشا دۍ بلا دلۍ کەمپوو پەنابەراو گەشمەرڎە ڕۊستەم جودی (مەخموور)ی و گەرەکشا بۍ چوارڎەورەوو کەمپەکەی تەلبەنڎ کەرا.

هاموەڵاتیۍ لوۍ وەرڎەمشا و ڕاشا جە سەیارە زرەپۊشەکا گێرتە و خەیمێشا وردا.

چی وەختەنە خەڵکوو مەخمووری وەروو وارانیوە وێشا گێرا و وەراوەرشاوە مردا.

ئا ئەڎۍ کە جاگە ئامادێنۍ هەڵوێستوو وێشا بەروست و واتشا، کە ئادۍ ٢٣ ساڵێن پەنابەرێنۍ و تا ئیساتێچ زەرەرشا نەدان کەسی و ئانەیە قبووڵ مەکەرا.

یووە جەئەڎایا بەشدارەو چالاکییەکەی واتش، "ئێمە وەرگێری کەرمۍ، تا ئا وەختە ئادۍ ملا".

ئەڎێوە تەرە واتش، "جە سەعات ٠٥:٠٠وو سەرسەعبیوە بە گوڕ و تینۊ ئینایمۍ سەروو پایاوە. خەڵکەکەما گردشا وەرڎەموو سەیارە زرەپۊشەکانە وێشا کەرڎەن بە قەڵغان. ئانەیە قبووڵ مەکەرمۍ. تا چۍ با ئێمەیچ وەرگێری کەرمێ".

مدرامانوو گەلی مەنتێقەکەنە بەرڎەواما.

س.ز