ئەحسەن شێخ جەمال شێخ عوسمان نەقشبەندی، کەسایەتیی دیاروو بنەیانەو شێخاو تەریقەتوو نەقشەبەندی سەبارەت بە ورچنیەیەکاو سەرۊکایەتیی کۊماری و پارلەمانوو تورکیای پەیامێوەش ئاڕاستەو هاموەڵاتییا و پەیڕەوا ڕچەو نەقشبەندی جە سەرنیشتوو کوردسانی و تورکیانە کەرد.

نەقشبەندی جە پەیامەکەشنە داواش لە دەنگدەرا کەرڎێنە: ڕۊو ١٤و ئی مانگۍ وەختوو لوای سەروو  سندوقەکاو دەنگدایۆ، خیانەت و خراپەکارییەکاو ڕژیموو ئەرڎۊغانی باراوە یاڎ و دماو ئا ڕژێمەیە بڕا.
"ئەحسەن شێخ جەمال شێخ عوسمان نەقشبەندی" ماچۊیچ: حەر ڕێزمەندێوە کورڎی و تورکی موسڵمان و ئینساندۊسی ئازادیواز کە جە تورکیانە وێش بە شۊنکەوتەو ڕچە و ڕێبازوو عیرفانی و تەسەوفوو حەزرەتوو "مەولانا خالیدوو نەقشبەندی"ی مشناسۊ چی ورچنیەینە هەرمانەی ئیسلامییانۍ وێش کە سیلم و ئاشتی و دادپەروەری و پارێزنای کەرامەتوو ئینسانی و دیاریکەرڎەی چارەنویسی و وێپارێزنای جە بیدعە و تەکفیری و پاڵپەشتی جە حاکماو ئەرەگیرە ونمجا، وێش نەبڕۊرە کە ڕژیموو ئیخوانی داعشی ئەرڎۊغانین.

دەقوو پەیامەکەو "ئەحسەن شێخ جەمال شێخ عوسمان نەقشبەندی"

بە نامۍ خالقی بێهامتای

گەلی شەرەفمەندوو سەرنیشتوو کوردسانی و بەرەو ئۊپۊزسیۊنی چەمەڕوانۍ مزانیی چەپەوانەکەرڎەیۊ تاریخیتانمۍ. بێگومان حەر ڕێزمەندێوە کورڎی و تورکی موسڵمان و ئینساندۊسی ئازادیواز کە جە تورکیانە وێش بە شۊنکەوتەو ڕچە و ڕێبازوو عیرفانی و تەسەوفوو حەزرەتوو "مەولانا خالیدوو نەقشبەندی"ی مشناسۊ چی ورچنیەینە هەرمانەی ئیسلامییانۍ وێش کە سیلم و ئاشتی و دادپەروەری و پارێزنای کەرامەتوو ئینسانی و دیاریکەرڎەی چارەنویسی و وێپارێزنای جە بیدعە و تەکفیری و پاڵپەشتی جە حاکماو ئەرەگیرە ونمجا، وێش نەبڕۊرە کە ڕژیموو ئیخوانی داعشی ئەرڎۊغانین.

 باوەڕمەندی ئیسلامی و پەیڕەوی جە شەریعەتوو غرای محەمەدی، سڵاموو خوایش سەر بۊ، و تەریقەت و حەقێقەتوو عیرفان و تەسەوفوو حەزرەتوو  "مەولانا خالیدی نەقشبەندی" هەرمانەی ئینسانانۍ و ویژدانشناسانۍ وێش جە بەینوو حەق و باتیلی و جیاکەرڎەیۊ زاڵمی جە مەزڵومی وزۊ چێروو پەرسەو گەلی و تاریخی،
پەوکای پەنەوازا ڕۊو 14/5/2023 وەڵۍ دەنگداینە لجە ویژدانوو حەقپەرسوو وێتا پەرسدۍ پەی چ مەبەسێوە دەنگ مدەو؟
کێن ئانە کە قابیلوو دەنگی متمانەین؟
دماتەر تابلۊو خەیانەتی و خراپەکارییەکاو ڕژیموو ئەرڎۊغانی ویر وزدێوە ئاستوو دلێنەو و هەم میاندەوڵەتیچنە!
دماتەر بە ئێرادەی پۊڵاییتاوە لووودۍ سەروو سنۊقەکا
 دەنگیتا کەرڎۍ بە دمابڕوو ئی ڕژیمە دیکتاتورەیە، کە نە نومایانگەروو ئیسلامی هەقەتینین و نە ماناو ئازادی و نە دەسەبەرکەرڎەی ئاسایشی و ئەمنیەتی و دادپەروەرین جە گلێرگەنە، کە مەژگەو ئایینوو مەبارەکوو ئیسلامین،
 ئانەی ماوەو ویس ساڵ فەرمانڕەوایی ئەرڎۊغانینە دا وینیان حەر جەنگ وئەرەگیری و کوشتەی ڕۊڵەو هەژاری و فەقیری بییەن و جگە جە تەحریف و چەپەوانەکەرڎەیۊو ئایینی مەبارەکوو ئیسلامی سەروو حەزی شەخسیی وێش پەی پەرەپەنەدای ویرۊکەو ئیخوان داعشی.

سڵام و ڕێزی فراوان و هومێدوو سەرکەوتەی

براتا ئەحسەن جەمال شێخ عثمان سراجەدین نەقشبەندی.
وەڵاتوو/ سویدی
12/5/2023