پرۆفیسۆری وەڵینوو فاکەڵتی هونەری زانشتگەو دەمەنهوری محەمەڎ ڕەفعەت ئەلئیمام، ئەرەیاۋناش، فکرەکۍ ڕابەروو گەلوو کوردی عەبدوڵا ئۆجالانی سەبارەڎ بە پېوەرە ژیۋای ئاشتیانەی جە وەرکەوتوو دلېڕاسەینە گرنگۍ و گونجیېنۍ.
محەمەد ڕەفعەت ئەلئیمام، مامۆسای وەڵینوو فاکەڵتی هونەری زانشتگەو دەمەنهوری، سەبارەڎ بە هەڵمەتەو ئازاڎیی ڕابەروو گەلوو کوردی عەبدوڵا ئۆجالانی، پۍ میدیا خەبەری قسېش کەرڎۍ.
محەمەڎ ڕەفعەت ئەلئیمام جەختش سەروو گرنگی فکرەکا ڕابەر ئۆجالانی و چالاکیی پێویس پۍ ڕزگار کەرڎەی کەردۆ و واتش:"ئۆجالان ڕەمزوو گېڵاین شۊنەو راسیەرە".
گرنگی ڕابەروو گەلوو کوردی عەبدوڵا ئۆجالانی ئینا چېشەنە؟
ئۆجالان فەیلەسوف و کۊششکارۍ سیاسی و مرۆڤدۆسا. ئاڎ پەی دۆزێوە ڕەوای و مافداری کە ڕېخێوە تاریخی قووڵش هەن کۊشیایش کەرڎەن و ڕەمزوو گېڵاین شۊنەو راسی، دادپەروەری و یەکسانیەرە."
گرنگی فکرەکاو ئۆجالانی پۍ ۋەرکەوتوو میامینی چېشا؟
پەیلوواکۍ ئۆجالانی سەبارەڎ بە پېوەرە ژیۋای ئاشتیانەی جە ۋەرکەوتوو میامینینە گرنگۍ و گونجیێنۍ. ئۆجالان جە خەباتە فیکرییەکاشەنە ڕوانگېوە ڕۊشنش سەبارەڎ بە مەڵامەتوو قەیرانەکا، کێشە دلېینە و میان نەتەوەییەکا وزۊ ڕووە.
سەروو هەڵمەتەی میان نەتەوەیۍ پۍ ئازاڎیی ئۆجالانی چېش ماچدۍ؟
هەڵمەتەو میان نەتەوەیی پۍ ئۆجالانی فکرېوە عالا. پێگەو ئینسانەکا جە ویژدانوو ئینسانی و ویژدانوو دنیېنە نیشانە مڎۆ. ئی فکرە جە میدیا، ئەکادیمیا، یاسا و سیاسەتەنە پەنەوازش بە وەرفراوانی زیاتەریا. مشۊم کورد، فەلەستینی، ئەرمەنی و گرڎوو گەلا داواو ئازاڎیی ئی ڕەمزەو ئازاڎییە کەرا.
جە چوارچێوەو ئی هەڵمەتېنە داواکاریتا جە گەلاو هەرێمەکەی چېشا؟
داوا جە ڕژێموو تورکیای کەروو حەر ئارۆ ئۆجالانی ئازاڎ بکەرۆ نەک سەوای، هاموەخت داوا جە گەلاو ئازاڎیوازوو جەهانی کەروو پۍ ئازاڎیی ئۆجالانی کە ڕەمزا و فکرەکېش حەجگیز مەمرا، یۆگېرا.
