یۊبیەی گەنجا وڵاتپارێزوو کوردسان (یەجەوەکە)ی ئەرەیاۋناش، "جە چوارچێوەو ساڵڕۆو پیلانگێڵی میان نەتەوەیی و وەرپەرچدایۊ هجومە ئەرەگیریەکا دەوڵەتوو تورکینە، دووۍ چالاکیېما جە دژوو داردەسی و ھامکارەکاش جە مێرسین ئەنجامدا".
یۊبیەی گەنجا وڵاتپارێزوو کوردسان (یەجەوەکە)ی جە ئەرەیاۋنېوەنە ۋەڵاش کەرڎۊ، "جە چوارچێوەو ساڵڕۆو پیلانگێڵی میان نەتەوەیی ٩و تشرینی یۋەمینە و پۍ وەرپەرچدایۊ هجومەکا دەوڵەتوو تورکی پۍ سەروو سەرنیشت و ۋەرکەوتوو سوریای، دووۍ چالاکیېما جە دژوو داردەسی و ھامکارەکا جە مەنتیقەو ئاکدەنیزی سەر بە مێرسینی ئەنجامدان.
جە ئەرەیاۋناکەو یەجەوەکەینە ئامان: "ڕۊو ٦و تشرینی یۋەمی، سەعات ٢١:٤٠ دەیەقۍ جە ناحیەو ئاکدەنیزی سەر بە مێرسینی، دژ بە کارگەو ڕیسایکلین و ئالپەرەنی، کە هامکاری هێزەکا دوژمنی کەرۊ، چالاکیېوە کریا و کارگەکە دلېنەبریا. حەرپاسە ڕۊو ٦و تشرینی یۋەمی، سەعات ٢٢:١٠دەیەقۍ، جە کۊڵانەو چیلەکی مەنتیقەکەی، گەڵابەو کەسێوە بە نامۍ حسێن بۆزکوری کە هامکاری مەهەپەی کەرۊ، ئېرش وەردریانە".
ڕۊشنیچکریاوە، حەردووە چالاکییەکە دژوو پیلانگێڵی میان نەتەوەیی ٩و تشرینی یۋەمی و هجومەکۍ سەروو ۋەرنیشتی ئەنجام دریېنۍ، هاموەخت یەجەوەکە تەئکیدش کەرڎەنۊ، "پەنەوازەن گرڎ بزانا، تا ئا وەختەی گۆشەگیریی سەروو ڕابەر ئاپۆی دمایش نۍ و چەتە فاشیستەکۍ ئەرەگیری خاکوو کوردسانی جیانازا، چالاکییەکېما بەردەوامۍ با و جە سەرانسەروو کوردسانی و گەورە شارەکا تورکیاینە وەرپەرچوو هجومەکا ئی دماییەو سەروو ۋەرنیشتی مڎەیمېوە".
