یۊ جە بەشڎارا کۊنیشتەو ژەنا جە شەنگال "وەنەس ئەلشەمەری"ە ئەرەیاۋناش، کە نە ئازاڎیی بە بۍ ژەنۍ بۊ و نە ژەنیچ بە بۍ ئازاڎیی مژیۋۊ و ئانەیچش وستڕوۋە پۍ ئامای دی ئاخېزو ژەنا کۊنیشتەی چی جۊرە پێۋیسا.
بە ۋەڵېوەبیەی جمیەرو ئازاڎیی ژەنا ئێزدی (تاژ)ۍ جە ٢٣ۍ نیسانینە جە شەنگال بە بەشڎاری ٣٥٠ نوێنەرا بە دروشمو "چنی ژەنۍ ژیای ئازاڎیی بەرەو ئاخېزو ژەنا" کۊنیشتېۋە سازکریا.
یۊ جە بەشڎارا کۊنیشتەکەی "وەنەس ئەلشەمەری"ە سەبارەڎ پا کۊنیشتەیە قسېش پۍ ئاژانسو هەواڵی فورات (ANF)ی کەرڎۍ و ۋاتش، "فرە دڵوەشېنمۍ ۋەرو ئانەی بەشڎاریما جە ھەرمانۍ مبارەکۍ پا جۊرەینە کەرڎەن. ۋەرو ئەھمیەتو ئی کۊنیشتەیە دەسما جە جەژنۍ ھورگېرت و بەشڎاریما لە کۊنیشتەکەینە کەرڎ.
"ئەلشەمەری"ە سەرنجش وست سەرو وەڵێۋەبیەی ژەنا ئێزدی پۍ ڕێکوستەی و کۊشیای ئازاڎیی و ۋاتش، "ئێمە پسە ژەنا عەرەبی پەشتیوانی چانەی مکەرمۍ. ھومېڎەوارێنمۍ ھەرمانۍ چی جۊرەیە ۋەردەوامۍ با".
"ئەلشەمەری"ە ئەرەیاۋناش: "نە ئازاڎیی بە بۍ ژەنۍ بۊ، نە ژەنیچ بە بۍ ئازاڎیی بۊ" و پی جۊرە درێژەش بە قسەکاشدا: "مبارەک بایی جە جمیەرو ژەنا ئێزدی مکەرمۍ. بە گرڎو قوەتی وتونایۊ ئینایمۍ پەشتەو ئاڎیشاۋە".
"ئەلشەمەری" ە ئانەیچش وست ڕوۋە کە پۍ پېک ئاورڎە و ئامای دی ئاخېزو ژەنا پێۋیسا کۊنیشتۍ چی جۊریە ساز کریا.
هـ . ش
