سیاسەتمەداروو کورڎۍ "عەبدوڵلا ئۊجالان" کە حیچ وەختێوە بەشدارییش جە چالاکیی تنڎوتیژی و تیرۊرینە نەکەرڎەن، چەنی ئانەیچە جە لاو داڎگاو ویلایەتوو فرانکفورتیوە، سزاو ٤ ساڵا و ٥ مانگا زینڎانییش سەرەرە سەپیا.
سیاسەتمەداروو کورڎۍ "عەبدوڵلا ئۊجالان" زیادتەر جە ساڵێوەن ئەڵمانیانە بە بەهانۍ ' ئەندامبییەی جە ڕێکوزیای تیرۊریستی'نە داڎگایی کریۊ. جە دمایین ئەرەنیشتەی داڎگاینە داڎگاو ئەڵمانیای سەرەش وەروەروو بانگەشەکاو داواکاری گرڎێنیرە کۊمنارە و جە سیاسەتوو سیاوکەرڎەی تەڤگەروو ئازادیی کورڎێنە، پاش گیرتەرە.
جە ئەرەنیشتنەکەینە داڎگاو باڵاو فڕانکفورتی، لوجنەو داڎگای دۊسیەکەش واناوە، کە جە وەراوەروو سیاسەتمەداروو کورڎۍ "عەبدوڵلا ئۊجالان"ی ئامادە کریان و یەکسەر قبووڵ کەرد و بە پاو خاڵەو ١٢٩و یاساو 'دژە تیرۊر'ی جە ئاستێوە باڵانە سزاو زینڎانییش سەروو ئۊجالانیرە سەپنا.
شاندوو داڎگای ئەرەنیشتنە وەڵینەکاو فەڕەنسای و ئەڵمانیایش پێسە بەهانێوە بەکار ئاردۍ و بانگەشەو ئانەیش کەرد، کە سیاسەتمەداروو کورڎۍ "عەبدوڵلا ئۊجالان" جە ساڵەو ٢٠١٩ تا گێرتەیش جە ئایاروو ٢٠٢١، جە ویلایەتەکاو هیسین و سارلان، ڕاوەبەروو پەکەکەی بییەن و وەروو ئانەیچ سزاو ٤ ساڵا و ٥ مانگا زینڎانییش ملەرە سەپیان.
نەک تەنیا جە دژوو دۊسیەو سیاسەتمەداروو کورڎۍ "عەبدوڵلا ئۊجالان" داڎگاو ئەڵمانیای سزای قورسە سەپنۊ ملوو تەڤگەروو ئازادیی کورڎێرە. وەڵتەرێچ سیاسەتمەدارە کورڎەکۍ بە ساڵۍ تا ٣ ساڵۍ و نیم سزاشا ملەرە سەپیێنە، وەلۍ ئی جارە جە چوار ساڵا زیادتەر سزا سەروو ئۊجالانیرە سەپیێنە. ڕۊو چوارشەممەی وەڵینیچ داڎگاو ویلایەتوو کۊنلینز، بە تۊمەتوو 'تیرۊر'ی، ٥ ساڵۍ سزاو زینڎانیش سەروو چالاکوو کورڎۍ ئوزگور (ئا)یرە سەپنا.
س.ز
