ئەمریکا شاندو حکومەتو دیمەشقیش جە نەتەوە یۆگێرتەکانە ڕەڏکەردۆ
ئەمریکا هەڵوێسو وێش دەربارە بە حکومەتو دیمەشقی ئاشکرا کەرد و جە ڕاو نەتەوە یۆگێرتەکاوە بە ڕۆشنی ئەرەیاوناش کە حکومەتو دیمەشقی ڕەڏمکەرۆوە.
ئەمریکا جە نەتەوە یۆگێرتەکانە نوویسیایێش رادەسو شاندو سووریای کەرد.
جە نوویسیاکەینە ئەمریکا ئەرەیاونانش کە یاگێ یاسایی و هەڵوێسو شاندو سووریای جە نەتەوە یۆگێرترکانە ڕەڏمکەرۆوە.
بەپاو نوویسیاکەی، مشۆم شاندو سووریای پێسەو نوێنەرایەتی هەمیشەیی دۆڵەتی جە نەتەوە یۆگێرتەکانە دانەش پۆرە نەنریۆ.
هەرپاسە ئەمریکا جە نوویسیاکەینە ئەرەیاونانش کە ڤیزاو ئەنداما شاندو سووریای بەنامێ جی ١ هورشنریۆوە کە پێسەو دیپلۆماتکار شناسینان و جیاتی ئانەی ڤیزاو جی ٣ بە ئەنداما شاندا سووریای دریۆنە.
ڤیزاو جی ٣ با هاموڵاتییە بیانییا دریۆنە کە ئامادێنی بانە کەسێوە مییاننەتەوەیی، بەڵام حکومەتەکەشا جەلایەنو ئەمریکایۆ رەسمیەتش نییا.
یاگێ ئاماژەینە شاندەکەو سووریای حکومەتەکەشا ئاگاداری کەردەنۆ کە دۆخو یاسایشا فاڕیان و ئەرکەکێشا جەلایەنو ئەمریکایۆ رەتکریێنێ. هەرپاسە شاندەکە ئەرەیاونانش کە ڕەنگە حکومەتەکێ تەرێچ هامشێوەو ئەمریکای جە نەتەوە یۆگێرتەکانە هەمان هەڵوێس هورگێرا.
