کوردەسانیا و دۊسەکێشا بە سەرمەشقی یۊبیەو ژەنا کوردی هۆڵەندانە کوۍ بیێوە، هرووژمەکۍ سەرو سەرنیشت و ۋەرکۊتوو سوریای شەرمەزارکریۍ و داواکریا بە ڕسمی دڎان بە ستاتۆو سەرنیشت و ۋەرکۊتوو سوریایرە بنریۆ.
کوردەسانیا و دۊسەکێشا جە ئەمستردامو پایتەختو هۆڵەنداینە ڕاپیمایشا کەرڎ و هرووژمەکۍ سەرو سەرنیشت و ۋەرکۊتوو سوریایشا شەرمەزار کەردۍ.
جەماوەر بە سروودە دەربارەو مڎرامان و شۆڕشو ۋەرنیشتی و درووشمۊو "بژیۋۆ مدرامانوو ۋەرنیشتی" ڕاپیمایشا کەرد و ئەرەیاۋنایشا بە زۋانی ئینگلیزی ۋەناوە.
جە چالاکییەکەنە هرووژمەکۍ دۊڵەتو تورکی و چەتەکۍ سوپاو نیشتیمانیی سوریا (NSA)ی ئاشکراکریۍ و داواکریا دەمودەس بە ڕسمی دڎان بە ستاتۆو سەرنیشت و ۋەرکۊتوو سوریایرە بنریۆ.
ئەنتەرناسیۆنالیستەکێچ بەشداری ڕاپیماکەیشا کەرڎ، ڕاپیماکەی بە درووشمۊو "ژەنی ژیۋای ئازادی" دمایش پنە ئاما.
