جە دژو هرووژمەکا دۆڵەتو تورکی و چەتەکا سوپاو نەتەوەیی سووریا (SNA) سەرو سەرنیشتوو وەرکەوتوو سووریای، سەرو سنوورو پیرسوس و رحا و کۆبانێ چالاکی ئێشکگیری جە ڕۆو ١٤ یەمینین. پەرلەمانتارو دەم پارتی رحا فەرید شەنیاشار، سیمبولو ئەرەکۆشاو دادپەروەری ئەمینە شەنیاشارە، پێکئاماو پلاتفۆرمو ڕەنجی و دیموکراسی ئامەدی، ئەنداما ئەنجوومەنو ئەڏایا ئاشتی رحا و فرەو کەسی  بەشدارێ بێنی.

ئەمینە شەنیاشارە جە مەیانو چالاکییەکەینە قسێش کەردە و ئاماژەش پانەیەدا کە ئارێ گەرەکشا ن٦ا جوانێ مرا. ئەمینە شەنیاشارە  واتش: "چێشتا جە کۆبانێ گەرەکا؟ با ئی زوڵمە ئیتر دمایش بێ. ٧ ساڵێ ئەرەکۆشانی. زوڵمشا چنەکەردانی. زاڕۆڵێشا کوشتانی بەڵام من حەجگیز دەسم جە دادپەروەری هۆرنەگێرد. هەمیشە داواو دادپەروەری پەی کۆبانێ مکەرو".

جە دماینە پەرلەمانتار فەرید شەنیاشار قسێش کەردێ و واتش: "جەهان ڕێز جە سیستەمو وەرنیشتی گێرۆ، بەڵام تورکیا پێسەو هەڕەشێ وینۆش. تورکیا مەبۆ کۆبانێ پێسەو هەڕەشێوە پەی سەرو وێش وینۆ. ئا هرووژمێ کە  چەتەکێ مکەتاش سەرو وەرنیشتی شەرمەزاریشا مکەرمێ. خاوەندارێتی کەردەی جە شۆڕشو وەرنیشتی، خاوەندارێتی کەردەین جە ئیرادەو پێوەرە ژیواو گەلا. خاوەندارێتی کەردەی جە وەرنیشتی ئەرکو گرڏ کەسێوەن. ئێمە ئینایمێ لێوارو ئاشتییێوە گۆرەینە. با ساڵەو ٢٠٢٥ ساڵەو ئاشتی بۆنە. دەسی تاریک مەبۆ هیواو ئاشتی دلێنە بەرۆ. پەنەوازا گرڏ کەسێ پشگیری وەرنیشتی کەرۆ".

ئەرەیاوناکەی بە دروشمو "بژیو مڏرامانو وەرنیشتی" و چەپڵێ دمایش پنە ئاما.