پارێزگارو دۊڵەتو ترکیەی جە ھاتای داواو لابەرڎەو بنکەکا ھامکاریکەرڎەیش کەرڎ جە شارۊچکڵەو دەفەنی پارێزگاکەینە. ھاڵک ئەڤلەری نېازش بۍ جە دژو ئا قەراریە ۋەربەرەو بېناو گرڎینەو ۋێشانە ئەرەیاۋنێۋە بۋاناۋە، بەڵام پۊلېسو ترکی ھجومش کەرڎ سەرشاو چنڎین ئەنڎامێشا گېریۍ.

پارێزگارو ھاتای داواش کەرڎێنە بنکەکۍ ھامکاریکەرڎەی پۍ ۋنەقۊمیایا بومەلەرزەکەی  جە شارۊچکڵەو دەفنەی ھاتای لابریانە. ھارون کایا یاگەگېرو پارێزگاری و گروپ و ئافادی لوۋۍ پۍ مەنتېقەو ھامکاریەکا، کە ھاڵک ئەڤلەری، پارتو کرێکاراو ترکیەی، یۊبیەی دکتۊراو ترکېەی و چنڎین ڕێکوزیۍ ۋۍ بەخشۍ پۍ دابېنکەرڎەو پێویسی و پەناگێو دەرمانی پۍ زەرەر ۋەنەکۊتەو بومەلەرزەکەیشا ۋەشکەرڎەبۍ، پەنەشا ئەرەیاۋنۍ ئەشۊ بنکەو ھامکاریەکاشا جە پارکو سەڤگېنە لا بەرا.

ئەنڎاما ھاڵک ئەڤلەری جە جاڎەو کۊنورو ئەنقەرەی سەبارەڎ پانەی کە جە پارکو سێڤگی ڕوۋەشدا ۋاتشا:"ڕاو جا پۍ یاۋناو پەنەوازیەکا بەخەڵکی گێردێنە ۋەر نەک ئانەی ڕاگېری جە یاۋناو ھامکاریەکانە ۋەش کەرڎۍ" و نیازشابۍ ئەرەیاۋنێۋە جە ۋەربەرەو بېناکۍ ۋێشانە بۋاناۋە. بەڵام پۊلېسو ترکیەی ڕاش پنە نەرۍ یاۋنەرەکەیشا بۋاناۋە و ھجومشا کەرڎ سەرشاو

"نەبیە مرتورکە" سەرۊکو گرڎینەو ھاڵک ئەڤلەری و چنڎین ئەنڎامۍ ھاڵک ئەڤلەریشا گێرتۍ.

ھ.ش