بێستا ئېنایمۍ قۊناغێۋەنە کە سېستمو کۆنفېدراڵېزمو دیموکراتېکو ژەنا مەرزنمێرە، پۍ ئانەی جەمەو ژەنا ۋێشا چا سېستمەنە ڕێکوزا. جە ڕاو ئاخێزو "ژەنۍ، ژیای، ئازاڎیی"ۋە جەمەو پېایایچ ھەست پانەی کەرا کە ئاڎێچ چن کۊیلێنۍ.
"پەیمان ڤیان"ە ئەنڎامەو ۋێڕاۋەبەری گلێرگەو ژەنا ئازاڎو ۋەرکۊتو کورڎسانی (کەژار)ی و "زیلان ڤەژین"ە ھامسەرۊکەو پارتو ژەنا ئازاڎو کورڎسانی (پژاک)ی مێمانۍ بەرنامێۋە تایبەتو ئاریەن تیڤی بێنۍ. جە بارەو گۊشەگېری دژوارو سەرو ڕابەر ئاپۊی و کۊشیاو ژەنا ڕەنجدەرو جەھانی قسێشا کەرڎۍ.
ئەنڎامەو ۋێڕاۋەبەری گلێرگەو ژەنا ئازاڎو ۋەرکۊتو کورڎسان (کەژار)ی"پەیمان ڤیان"ە جە سەرەتاو قسەکاشنە بە بۊنەو ڕۊو ٨ و ئاداریۊ پېرۊزبایش ئەرەیاۋناو ۋاتش:" سەرەتا ئی ڕوۋەیە جە ڕابەر ئاپۊی و گرڎو ژەنا ۋێڕاگری و ئەرەکۊشی پېرۊز کەرمۍ. ۋەختۍ جە ئېسەنە تەماشەو ٨ و ئاداری مکەرمۍ، ئەرەکۊشاو ژەنا، ۋێڕاگېری ژەنا مۊرەو ۋێش جە سەدەی دان. ئەرەکۊشاو مدرامانو ژەنا جە بەرزتەرین ئاستەنە ملۊ ڕاۋە. ۋەڵېنگەو ٨ و ئاداری بە جەھانی بیەن. ئانەی ئېسە گرنگا ئانەن کە ئا ۋەڵېنگە تا ئېسە چنی ئامان. کۊشیاو ٨ و ئاداری چنی بە جەھانی بیەن؟ ۋەختۍ ورڎۍ بېمێۋە جە ۋەڵېنگەی، ۋەردەوام مدرامانو کۊشیاو ژەنا جە ئاستۍ جەھانېنە بیەن. بەڵام ئا ڕەنجو دەسکۊتۍ نەپارێزیێنۍ پۍ ئانەی بە جەھانی بانە. پۍ نمونەی ساڵەو ١٨٥٧ی جە ۋەختێنە جە ئەمریکا ١٢٩ ژەنۍ ڕەنجدەرۍ کە جە مەعمەلێۋەنە ھەرمانە کەرێنۍ داواو مافەکا ۋێشا کەرڎ، سۊچنێشا. مەڵامەتەکەش ئانە بۍ کە ۋەران ۋەرو ھێزەکا سەرمایەدارینە دەسشا بە مانگێرتەی کەرڎەبۍ. ئانە ھێزەکۍ دەسەڵاتېش وستۍ دلۍ تەنگەژەیۊ. ھەر پۊکەی ئا ١٢٩ ژەنێشا بە شێۋێۋە دڕنڎانە سۊچنۍ. ئامانجشا ئانەبۍ کە ژەنا بێدەنگ کەراو دمایی بە کۊشیایشا بارا. ئارۊنە ٨ و ئاداری پۍ تەمامو ژەنا بېەن بە ڕۊو جە ئەڎا بېەی. پۍ نمونەی سەرو پاگێرتەیرەو ژەنە ۋەڵێۋەبیۊی "کلارا زێتکېن"ە و گرڎو ژەنا ۋەڵێۋەبېەی. جە کەسایەتی "کلارا زێتکېن"ێنە ٨ و ئاداری بیەن بە مېراسۍ پۍ گرڎو ژەنا جەھانی. ژەنا کۊشیایشا بە جەھانی کەرڎ. ۋەختۍ ژەنی ۋەران ۋەرو ھێزەکا دەسەڵاتیەنە مەیانۍ مەیڎان، ئېتر گرڎو گلێرگەی ئا غېرەتیە دەس وزۊو مەیانە مەیڎان. بێستا ئەگەر ئێمە تەماشە کەرمۍ، ئانەی کە ناستش شەپۊلەکۍ مدرامانی مرکېاراۋە، ۋێڕاگېری ژەنا بۍ. سەربارو ئانەی کە ۋەردەوام ۋەرەن ڕوو ھجومو کوشتەی و ئەشکەنجەی بېێنۍ، حەرگېز جە ۋێڕاگیریشا کەم نەبېۊ و ۋەردەوام بەقوەتتەرۍ بیۍ''.
-ئاخێز بەبۍ ۋەڵێۋەبېۊ ژەنا سەرمەگنۊنە.
"پەیمان ڤیان"ە جە درێژەو قسەکاشنە پی جۊرە ۋاتش:" ٨ و ئاداری جە ئێرانەنە حەجگېز نەبېەن بە قۊناغێۋە ڕەسمی. نە چا قۊناغەنە کە محمڎ ڕەزا شا سەرو حوکومېۊ بۍ، نە جە سەردەمو ڕژێمو جمھوری ئېسلامېنە. بەعزە جارۍ جە تەرەفو ڕێکوزیاکاۋە وزیانەنە وەرو باسی پۍ ئانەی ئا روۋە بە ڕەسمی قبوڵ کریۊنە، بەڵام قبوڵ نەکریانو پەشت گۊش وزیان.
چی سەدەنە کۊشیاو ژەنا جە ئێرانەنە ۋەڵۍ کۊت. ھەر ئاخێزۍ ژەنی ۋەرھەنگامیش پۍ نەکەرا سەرمەگنۊنە و شکس مارۊنە. ۋەرو ئانەی ناسنامەو بیەو ژەناش چنە نیا و جارێتەر ئا دەسەڵاتە ۋێش واوەی کەرۊۋە. سەربارو ئانەی جە سەردەمو مەشروتەینە ژەنی دەورۍ عالشا بۍ بەڵام حېچ مافێۋی ژیۋایشا پنە نەڎریا. ئانەیچ بی بەمەڵامەتو وشیاری دلۍ ژەنانە و کۊشیایشا ۋەڵۍ وست''.
-بێستا جە ئێران و ۋەرکۊتوو کورڎسانیەنە جە دلۍ ئاخێزیەنە ئاخێز ئامان ئاراۋە:
ئەنڎامەو ۋێڕاۋەبەری (کەژار)ی "پەیمان ڤیان"ە ئەرەیاۋناش؛ ئا قۊناغەی ' ژەنی، ژیای، ئازاڎیی' دەسش پنەکەرڎ، ئەرەتەقایۊیۍ ھزریش شۊنەو وێشەرە ئاورڎو پی جۊرە ۋاتش:" حەر ئاخێزۍ کە مەخزو ۋیرکەرڎەیۊ نەفاڕۊ، مەبۊ بە ئاخێز. ئاخێزو' ژەنۍ، ژیای، ئازاڎیی ' جە عەقڵیەتنە فاڕیاش ۋەشکەرڎ. کۊشیای ئارۊنە بە جەھانی بېەن. بێستا ئێمە ئېنایمۍ قۊناغێۋەنە کە سېستمو کۆنفېدراڵېزمو دیموکراتېکو ژەنا مەرزنمێرە، پۍ ئانەی جەمەو ژەنا ۋێشا چا سېستمەنە ڕێکوزا. جە ڕاو ئاخێزو "ژەنۍ، ژیای، ئازاڎیی"ۋە جەمەو پېایایچ ھەست پانەی کەرا کە ئاڎێچ چن کۊیلێنۍ. بە مەڵامەتو ئی ئاخێزیۊ پیۍ یاۋێنۍ پا زانابیەیە. ئا گەلۍ کە ھەستو ئازاڎیشا جە مەیڎانەکانە تاقی کەرڎەنۊ، محاڵا بتاۋا پێسە ۋەڵتەری بژیۋا. ئەگەر پېۍ نەتەوەو بەلوچی جە مزگېەکانە لافېتەو "ژەنۍ، ژیای، ئازاڎیی" بەرز مکەراۋە، پانەی وتریۊ فاڕیای ھزری و ئاخێزو ھزری. تەمامو گەلی چانەی یاۋێنێنە. پۍ ئانەی بیاۋنمێش بە سەرکۊتەی پەنەوازەن تاکەکۍ گلێرگەی درک پانەی کەرا. بێستا جە ۋەرکۊتوو کورڎسانی و ئێرنەنە دلۍ ئاخێزیەنە ئاخێز ۋەشبېەن".
درێژەش ھەن.......
ھ.ش
