کۆمەڵەو ڕۆنامەنویساو دیجلەی و فورات (دەفەگە)ی و کۆمەڵەو ڕۆنامەنویساو ژەناو میزۆپۆتامیا (مەکەگە)ی سەبارەت بە دۆخوو سلێمان ئەحمەدی ئیدیتۆرو ڕۆژنیوزی، کە ٢٥ تشرینوو یوەمیوە ئاسایشو پەدەکەی ئڕفانان و ماوەو ٥٠ ڕوانشۆنیش نییەنە، وەردەموو بیناو بینای دەفەگەینە بەییاننامێوە ڕۆنامەوانییشا وەڵا کەردۆ. بەیاننامەکەنە پانکارتو "ئێمە ئا زوڵمەیە کە وەرانوەروو ڕۆنامەنویسا کریۆ شەرمەزار کەرمێ، مشۆم سلێمان ئەحمەد ئازاد کریۆ" ورگیریابێ. جگە جە ڕۆنامەنویسا، سوڵتان یارای هامسەرۆکو پارتو هەرێمە دیموکراتیکەکا (دەبەپە)و ئامەدیچ بەشداروو کۆبییەیوەکەی بێ.  

 بەیاننامەکە ڕوزا مەتینای واناوە و باسش جە تندوتیژییەکاو سەروو ڕۆنامەنویسا کەرد و  و ئا زوڵمە، کە وەراوەروو ڕۆنامەنویسا کریۆ شەرمەزار کریا و داوا کریا، کە زووتەرین وەختەنە بارودۆخوو سڵیمان ئەحمەدی ئاشکرا بۆ و ڕۆنامەنویسێ ئازادێ کریا. بکرێن. بەیاننامەکەنە سەرنجە وزیا سەروو کردەوەکاو پەدەکەی، کە وەراوەروو دەنگی ئازادیوە کەرۆشا و ئا کردەوێشا بەتندی شەرمەزارێ کەردێ.

ئاخرۆ داوا وەنەو لایەنە پێوەندیدارەکا، گەل و تەماموو ڕۆنامەنویسا کریا، کە وەراوەروو ئا زوڵمیوە، کە مەنتێقەکاو چێروو دەسەڵاتوو پەدەکەینە کریا بێدەنگێ نەبا.