پۆلیسو تورکی سەرسەعبو ئارۆی موشنە ورش کوا سەرو چند یانێوە.

 بەرفین یەکتا ئەندامو ئەنجوومەنو گەنجاو پارتو دیموکراسی و یەکسانیی گەلا (هەدەپ)ی جە ورکوایسەرو دەگاو کزلاغاچی سەر بە ناوەندو موشی، دەسبەسەر کریا.

هەرپاسە جە دەگاو ئەلچلەرینە، پۆلیس ورشا کوا سەرو یانەو ئەندامو ئەنجومەنو گەنجاو هەدەپی، مەعروف چەلیکەلیش، وەلێ بۆنەو ئانەیۆ یانەنە نەبێ، دەسبەسەر نەکریا.

میانەو هەڵمەتەکێنە پۆلیسو تورکی بەرە و پەنجەرەکێشا ماڕێنێ و ئامێرەکاو دلێ یانەکەیشا تاڵانێ کەردێ.

 پۆلیس حیچ هۆکارێوەش پەی ورکوای سەرو یانا و دەسبەسەرکەردەی ئا کەسا ئاشکرا نەکەردەن.