سری سورەیا ئۆندەر یۆ جە ئەنداماو شاندەکەو دەم پارتی جە دماو چەمپنەکۊتەی چنی داودئۆغلۆی واتش، "کاتێ سەرما ۋنەو سەڵاحەدین دەمیرتاشی دا، ئا وەختە ئەرەیاۋنێوە ۋەرفراوان وەڵا مکەرمێوە."
جە چوارچێوەو سەردای و گلێرۊبیەکاشانە ئارۆ شاندەکەو دەم پارتی چنی سەرۆکو گرڎینو پارتو ئایندەی، ئەحمەد داودئۆغلۆی کوۍ بیێوە.
ئۆندەر کە ئەندامێوە شاندەکەیا دماو گلێرۆبیەکەیشا قسێش کەرڎۍ و واتش: "بڕۍ باسما جە ئەزموونەکا وەڵتەری کەرد. جە چوارچێوەو گلێرۆبیەکەینە زانیارییما چنیشا فاڕاوە. داواو پێشنیار، تێبینی، ڕەخنەی و هۆشدارییما چنە کەردۍ. ئاڎێچ بە وردی زانیاری و هۆشیاریشا پنەدایمۍ. دماو چەمپنەکۊتەیما چنی سەڵاحەدین دەمیرتاشی ئەرەیاۋنێوە ۋەرفراوان وەڵا مکەرمێوە."
داود ئۆغۆلۆیچ سوپاسو سەرۋنەدای شاندەکەیش کەرڎ و واتش: "گلێرۆبیەیۍ گەرموگوڕ بۍ. ویر و ڕا و روانگەکا ۋێما هامبەشۍ کەردۍ و جەختما چانەیە کەردۆ کە ئیسفاڎە جە ئەزموونەکا وەڵتەریما هۆرگێرمۍ. باسما چانەی کەرڎ جە سەرانسەرو جەهانینە، هەرێمەکە، سووریا، عێراق، لوبنان و ئوردن فاڕیایۍ خێرۍ و کتووپڕۍ ڕووە مڎا و سەرنجما وست سەرو گرنگی ئاژەو دلێینەی. خاستەرکەردەی ئاژەو دلێینەیچ تەنیا بە دیموکراسی مێنە ئاراوە. ئینەیچ بە دیدگێوە مکریۆ کە کورد، تورک و گرڎو هاموڵاتییا بە هومێڎۆ تەماشەو ئایدەی بکەرا. پێشنیارم پەی شاندەکەی و گرڎو سیاسییەکا ئانەنە جە ۋەرا ۋەرو ئی قۆناغێنە پەی بنیاڎ نیای ئاشتی جە تورکیانە جماوە."
