سەڎان ئەنتەرناسیۆنالیستۍ جە هایدلبێرگنە کە شارێوە تاریخی ئەڵمانیاین کوۍ بیێوە و دژ بە کۆمکوژی خەڵکی مەدەنی جە لایەنو دۊڵەتو ئەرەگیرو تورکیوە جە سەرنیشت و ۋەرکۊتوو سوریای، ڕاپیمایشا کەرد.

ئەنتەرناسیۆنالیستەکۍ بە درووشمۊو "ئازادی پەی ۋەرنیشتی" تا جاڎەی هەرە شلۊقو شارەکەی ڕاپیمایشا کەرڎ و لافیتەو "کۆبانێ، ئاشتی سوریاین"شا سەرو قەڵای تاریخی شارەکەینە هورواست. هەرپاسە سڵامشا ۋنەو مڎرامانوو کۆبانێ کەرد کە بیەن بە سیمبولو ئازادیی جەهانی.