دلینەو یاۋنەری و چاپەمەنی یەکینەکۍ پارێزنای گەلی (یەپەگە)، جە بارەو چالاکییەکانو هێزەکانشان کە جە ڕۊدیارو ٢٣ و ٢٤و تشرینی یەکەمیەنە دژ بە هێزە ئەرەگێرەکان ئەنجامۍ دریێنۍ، ئەرەیاونایێۋیش دان و و جە میانشەنە ئامان: 
 

جە هەرێمەکۍ وەرنشینو کوردستانی و سەرنیشت و وەرکەوتو سوریایەنە، یورشۍ و کەردە ئەرەگیریەکۍ ڕژێمو تورکی و تاقمە چەتەکانش  بەدژوای بەردەوامێنۍ. یورشۍ و کەردە ئەرەگیریەکۍ فرەتەر هاوڵاتییە مەدەنییەکان مکەرانۍ ئامانج و جە ئاکامشانە زیانی گیانی و ماددیشان پنە میاونانە. سوپاو ڕژێمو توركی جە یورشەكاشەنە هیچ پێوانێوە نمەشناسۆنە. جە وەرانوەر بە یورشەکانە، شەڕڤانەکێمان جە چوارچوەو پارێزنای ڕەوایەنە جە بارودۆخێوی فرە دژوارەنە گەلەکەیما و دەسەکەوتەکاش پارێزنانە.
سەرو ئا بنەمایە جە ڕۊدیارو ٢٣ و ٢٤و تشرینی یەکەمیەنە، جە هەرێمە ئەرەگێریاکانە زنجیرە چالاکیۍ وەڵامدایۆشان ئەنجامۍ دێنۍ کە ئەنجامەکەشان بە ئی جۆرەنە:

کوشیای ٤ سەربازۍ ئەرەگێرۍ
کوشای ٩ چەتۍ ئەرەگێرۍ
١ ئۆتۆمۆبێلی سەربازی، ١ چەکو ئەی فۆڕی و چەکێوی بۆمبشان، بە تەمامی دلێنەبریێنۍ.

جە دمایی یاونەریەکەیشەنە، دلینەو یاۋنەری و چاپەمەنی یەکینەکۍ پارێزنای گەلی (یەپەگە) دەستنیشانش کەردەن: تا ئازادکەردەی سەرجەم هەرێمە ئەرەگیریاکان، چالاکییەکێشان دژ بە سوپو تورکی و توقەمە چەتەکاش بەردەوامۍ ببانۍ.

هـ.هـ