فەرماندەیی گرڎینوو یەکینەکاو پارێزنای ژەنا (یەپەژە)، یاڎوو فەرماندە گوڵچیۍ کەرۊوە و ستایشوو حەوڵ و بەشدارییەکاش کەرۊوە جە ڕزگارکەرڎەی هەرێمەکاو سەرنیشت و وەرکەوتوو سووریاینە جە دەسوو داعشی، قەرار مدۊ بە بەدیئارڎەی ئامانجەکاش و درێژەدای بە دۊزەکەیش تا ئاخر
پاگەی فەرمیی یەپەژەی ئەرەیاوناێوە نویسیاش وەڵا کەرڎۊ،دلێشنە یاڎوو ئەندامەو مەجلیسوو پارتوو ئازادیی ژەناو کوردسانی (پاژک) و فەرماندەو فەرماندەیی ناوەندوو هێزەکاو پارێزنای گەلی (هەپەگە)، گوڵچیا گابارۍ کەرۊوە، کە ٢٩و نیسانوو ٢٠١٩ جە هجوومێوەنە پەی سەروو هەرێموو گارەی گەشمەرڎۍ کریا.
جە ئەرەیاوناکەینە، باس چانەیە کریان، فەرماندە گوڵچیا جە کەشەکاو کوردسانیوە ڕووەش کەرڎێنە شۊڕشوو ژەنۍ و جە وەرنیشتنە پەی دەمۊلوای گەلەکەیش جە سەرنیشت و وەرکەوتوو سوریاینە و وەرگێریکرڎەی چەنەشا دژوو داعشی. ئاماژە کەرۊ بە بەشدارییەکاش جە هەڵمەتەکاو ئازادکەرڎەی (تەل بەراک، شەدادی، تەل حەمیس، هۊل، چیای کیزوان، سیلوک، عەین عیسا)ی، کەرڎەیۊ ڕاڕەوو بەینوو گرێ‌سپی و کۊبانۍ و مەبروکە و سەرێکانی و جەزعەی تا مەکامینوو دەیرەزۊری.
جە ئەرەیاوناکەینە ئامان:
«ڕێبازی پیاسالار و دەوڵەتی فاشیستی، بە کۊشیای و مدرامانوو فەرماندۍ پێسە گوڵچیۍ وڕیۊ. هامڕا گوڵچیا کۊشیایۍ نموونەییش کەرد جە حەر بستێوە خاکوو نیشتمانینە پەی ئازادی، بە گیانی نەمروو وێش بییە بە خولقنەرەو بوو ژیوای ئازادی.
هامڕا گوڵچیا پێسە ژەنەکورڎێوە گردوو وەختەکاو ژیوایش بە گیانوو مدرامانوو ژەنۍ ڕایی کەرد پەی پارێزنای شوناس و بییەی کورڎی و ڕزگارکەرڎەیش جە دەسوو ئەرەگیرا. میراتێوە تاریخییش جە مدرامانی پەی گردوو ژەنا جیا ئاست. جە کەسێتیی هامڕا گوڵچییێنە، ڕێبازوو ژیوای ئازادی وینیۊوە. فەرماندە گوڵچیا جە کۊشیای شۊڕشگێڵینە دژوو لەشکروو دەوڵەتی فیداکارانە گژیا پەی لەپێناو مافوو ژیوای، ئینەیچش کەرد بە شێوازوو ژیوای وێش. هامڕا گوڵچیا جە کەشەکاو کوردسانیوە کەوتە ڕا پەی بەشداریکەرڎەی جە شۊڕشوو ژەنۍ جە وەرنیشتنە، پەی دەمۊلوای گەلەکەیش جە سەرنیشت و وەرکەوتوو سووریاینە و وەرگێریکرڎەی چەنەشا دژوو داعشی، کە بییەبۍ بە بەڵێوە پەی سەروو گردوو جیهانی، فەرماندە گوڵچیا بەیارایۍ ژەنەو کورڎیوە، جەسەش کەرد بە قەڵغانێوە پەی پارێزنای خەڵکوو هەرێمەکەی، ئا وەختە چەتەکاو داعشی چەک و شمشێرێشا بەرزۍ کەرڎێوە و هجوومشا کەرد. فەرماندە گوڵچیا تێکەڵە بە مدرامانی تاریخیی وەرنیشتی بییە، بەشداریش کەرد جە هەڵمەتەکاو ڕزگارکەرڎەی تەل بەراک، شەدادی، تەل حەمیس، هۊل، چیای کیزوان، سیلوک، عەین عیساینە، چەنی کەرڎەیۊ ڕاڕەوو بەینوو گرێ‌سپی و کۊبانۍ و مەبروکە و سەرێکانی و جەزعەی تا مەکامینی دەیرەزۊری. ماوەو مدرامانوو شۊڕشوو وەرنیشتینە، فەرماندە گوڵچیا لاێوە دژوو ستەمی جەنگیۍ و لاێوەچ فەرماندەیی جەنگی کەرۍ و پێسە ژنێوە فەرماندۍ. گوڵچیا نیشاندەرەو قارەمانێتیی ژەنێنە پاڵوو قارەمانێتی عەگیدی، کە ڕابەر ئاپۊ خولقنەرشا.
سەروو ئی بنەمێوە، سەرەوەشی جە بنەیانەو فەرماندە گوڵچیۍ و گەلوو کورڎی کەرمۍ، کە ئی بەها بەرزا ورگێرۊ. پێسە یەپەژەی سوپاسوو فەرماندە گوڵچیۍ کەرمۍ، کە بە گیانی مەبارەک جە ڕاو شۊڕشی و پارێزنای شۊڕشینە کۊشیا، خەتەو ئازادی ئارۊ گلێرگەکەمانە باڵادەستەنە و ڕووەش نیێنە سەرکەوتەی بە فەزڵوو فەرماندەکا پێسە گوڵچیۍ، ئێمە پێسە یەپەژەی و جەنگەوانا فەرماندە گوڵچیۍ، وەعد مدەیمۍ بە بەدیئارڎەی ئامانجەکاش و درێژەدای بە دۊزەکەیش تا ئاخیر».
س.ز
