نویستەینە دڵ پێسەو هەوداو پەمەی پێوە بەسیێنێ. ئا نیشانێ، ڕووەدایێ، بارودۆخ و ڕازێ کە گەردوونی موزانە جووڵەوە ئی پەیوەندییەیە بە تارێخیوە مبەسانێوە.

ئەگەر ڕووبەڕوو وزیوی چانەیە بییەیوە، قەت دوور نەگنیوە چەنەش، چونکووم نویستەی ئی بابەتەیە ڕێککەوت نییەن، ڕەمزو گەردەوونی و تارێخییا.

ڕاسیینە هامڕاێوەم بێ، ئی بابەتەشە پەی نویستەبێنا، وەلی حەرگیز دەسش نەلێ سەروو کەلیمەکا، بەردەام حەز کەرێ بابەتیوی پەی سیدرای و هامڕایەکاش بنویسۆ.

 

نویستەکەی جە دوێ دێڕا زیاتەر نەبێم بەڵام وەروو ئانەی کە زانێ مشۆم ئا ویرەوەرییا بنویسۆ، پا گێرە، چونکوم هەست بە وەرپەرسیی کەرێم سەروو ئاگەریلایا کە دیێبێنێش بنویسۆ و چی بارەوە دڵس لکی دریابێ نویستەیوە. وەلێ وەروو ئانەیە هەقیقەتوو کەشەکاو کوردسانی گرد لایێوەنە وەڵا بکەرۆوە. یانێ بیاونۆنەش بە خەڵکی . مدرامانێوە جەماوەریی وەش بۆ، ڕاپۆرتەش سەروو کۆشیای مدرامانوو ئازادیی وەشە کەردە، پەی فرەو یاگا لوا، بەرەکاو جەنگیش دیێ  و ویرەوەرییەکاش پەی تارێخی نویستێوە. بۆنەو دڕندەیی نائینسانانەو سوپای ئەرەگیرەکەرەو تورکیوە کەشەکاو کوردسانینە گەشمەردە بی، ئینە ئەوەڵین ناموونیشان بێ. یانێ ویرەوەرییەکاو گەشمەردە ئاڤرین مەحسومی.

گرد چێوێ بە قەڵەمێوی سوور دەسش پەنە کەرد

دووەم؛ ئەو قەڵەمە، کە  قەرار بێ پادی بدریۆ بە من درای و چیرۆکەکێ نویسیا.

گرد چێوێ بە قەڵەمیوی سوور دەسش پەنە کەرد، کە گەریلاێوی ئازا و دڵسۆز کیسەشەنە بەرش ئارد و دانێش پەنە.

واتش: مزانیی ئینە قەڵەموو کێن؟، چەمڕاو جوابەکەیش بێنا واتش: "ئینە هینوو ئا گەریلاینە کە پەی ڕسمەکەیش مدیەی.

ساعیبوو قەڵەمی و ئەو قارەمانە کە پەی ڕسمەکەیش دیێنا، سیدار زیلان بێ. ئی بابەتە بە قەڵەمێوی سوور و ڕسمو گەریلا سیداری دەسش پەنە کەرد.

قەڵەم یادش وستاوە، یادەوەرییەکیش بەرێ وستێ و پێسە تارێخ ئەمرەو نویستەیش بەرە کەردە.

 

ئامانجشا یاوای بێ بە وەرەتاوی

چی وەڵاتەنە بڕێو جەنگەوانێ هەنێ، چونکوم ئادێ مگژیانە و ئێمە متاومێ مدرامان بکەرمێ، بڕێ جەنگەوانێ هەنێ نامێشا نمەزانیۆ، بەڵام چەنەئاماییشا کتوپڕ سەروو دوژمنیرە زاڵ بی، چونکوم بڕێ جە جەنگەواناو ئی وەڵاتەیە نمەوسانە تا ئێمە بووسمێ. ئادێ چا شەوانە کە ئێمە هاگادارێ نییەنمێ نمەوسانە تا ئێمە ژیواینە بیمێ.  

بڕێو جەنگەوانێ هەنێ، ئەگەر کەسیچ نەشناسۆسا، سەرەمڕ دلێ گەریلاینە نامێشا مێ و وەختێ باسوو کۆشیای مکریۆ نامێشا مێ، ئاخر ئادێ سەرەمڕ مگژیانە تا ئێمە ئاسایشەنە بیمێ و بۆنەو کەرامەت و شکۆو ئادیشاوە ئێمە سەروو پایاماوە مدرێنمێ.

بەردەوام بەرەو یاگێوە ئینێ ڕانە، ئینێ پەلەنە لواینە ئارامێ و هەرمانەنە زووخێزێ، ئادێ ڕاکێشا زانا و هورشا چنییە، زانێنێ کە سەختتەرین ئەزموونەکارە مویەرا، پاس ئەنەیاویۆوە جە عەشقی و جەنگی یاوێنە. گردوو وەربەسەکاشا ئەزموونێ کەردێ، عەینوو ئاوێ سەرمڕ جووڵەنە بێنێ جە چالاکییوە پەی چالاکییوە تەری. گردوو هەرمانێشا ئانێ بێ دوژمنی خاکەکەشانە کەرا بەرۆ.

ئەگەر پەرسی بڕێو کەسی و بە پەنجێ ئاماژەشا پەنە بدەی کەس نامێسا نمەزانۆ و نەژنەویێنەش و دلێ گەریلاکانە بە بێدەنگی و دەنگێوی نزمۆ بەسەرسامییوە باسوو ئا جەنگەوانا مکریۆ، کەس پنەشا مەواچۆ پەی کۆی ملدێ و چێششا کەردەن؟ چونکوم ئامنجشا ئانەنە بیاوا بە وەرەتاوی و هەقسانایوەشا پەی وێشا پیسەو ڕێبازیوی دەسنیشان کەردەن.

ئی بابەتە داستانوو یەرێ جەنگاوەران کە ڕاشا بڕیێنە و بەرەو یەک ئامانج لوێنێ، بە یەک ئامانجۆ ژیوێنێ و یەک وەختەنە پێوەرە گەشمەردێ بیێنێ.

 

ئی بابەتە داستانوو گەریلاکاو هێزەکاو پاریزنای گەل (هەپەگە)ی، سیدار زیلان، موردەم ئەریش، سەربەست بریتانییا، کە قارەمانەکاو ژیوای بێنێ.  

موردەم  شاروو ئامەدینە پەیدا بییەن و چا گەورە بییەن، سەربەست-یچ شرناخەنە پەیدا بییەن و گەورە بییەن، سیدار حەڵەبنە پەیدا بییەن و عەفرینەنە گەورە بییەن، ئینە داستانوو ئا قارەمانانە.

چیرۆکەکێشا چرۆکێوە قارەمانانێنە، ژیوای یەرێ گەنجان کە یەک عومرەنە یۆترینشا ئشناسان، گرنگتەرین بابەت ئانەنە، چرۆکەکێشا چیرۆکەو گەنجاو کوردسانینە، کە ڕابەر ئاپۆی دەوروو یۆینە جەمێ کەردێنیوە. چنی یۆی ئامێتێ بیێنێ و بیێنێ بە فیدایێ گەل و نەتەوەکەیشا. چیرۆکەو سیدار زیلان، موردەم ئەریش و سەربەست بریتانی؛ ڕاسیینە چیرۆکەو پارتوو کرێکاراو کوردستانی (پەکەکە)ینە.

ئی جەنگەوانی بە هونەرەکەیشاوە وێشا بنیات نیا و پەی هەمیشەی مەنێوە.