جە شارەکاو ئێرانی و ۋەرکۊتوو کورڎسانیەنە جە ڕۊو ٣٠ تشرینو دوۋەمیۊ بە تایبەتی پۍ سەرو مەکتەبەکاو کناچا ھجوم بە گازی ژەعراوی ئەنجام مڎریۊ. ھجومەکۍ جە ٢٣ شارێنە ئەنجامدریێنۍ و ژمارێۋە فرە خۊنکارۍ  ژەعراویۍ بېێنۍ.

تا ئېسە دیارنېا کە ھجومەکۍ جە تەرەفو چ کەس و لایەنێۋە ئەنجام مڎریا و سەبارەڎ پا گازیچە کە بەکارمۍ زانیاری ڕۊشن نیا ۋەرو دەسیەنە. باس چانەی مکریۊ کە لانېکەم ھەزار خۊنکارۍ ژەعراویۍ بېێنۍ. جە ئاکامو ھجومۍ کېمېاۋیچەنە زارۊڵێۋە بەنامۍ "کارین عەلەمدار"ی و یەرۍ زارۊڵۍ تەرۍ گېانشا جە دەسدا.

گەل دەسش بە چالاکی ناڕەزایی بەربڕیەی کەرڎەن:

خەڵکو مەھابادی ناڕەزایشا ۋەران ۋەرو ھجومە ژەعراویەکانە پۍ سەرو مەکتەبەکا نېشانەداو دەسشا بە چالاکی کەرڎ. خەڵک جە ڕاو کەرڎەیۊ ئاێریۊ جە جاڎەکانە گلێرۊبیەیشا ئەنجامداو داواو زیاڎ کەرڎەو چالاکیەکاشا کەرڎ.

جە مەنتېقەو گۊگتەپەو مەھابادی دماو ئانەی خۊنکارە کناچەکۍ مەکتەبو سەبای ژەعراویۍ بیۍ، جە فرەو مەکتەبەکانە قەرار دریا کە مەکتەبەکۍ سەعاتۍ زووتەر دمایی بە ۋەنا کەیشا بارا.

ھ.ش