بەپاو سەرچەمەکاو هەواڵی، دەوڵەتوو ئێرانی جە شاروو سنەو ۋەرکەوتوو کوردسانی سزاو ١١ ساڵا زینڎانیش سەروو سەیوان ئیبراهیمی مامۆساو زۋانی کوردیرە سەپنان.

ئەرەیاۋیا کە داڎگاو ئێرانی بە بەهانۍ حۊلدای دژوو ئەمنیەتی نەتەوەیی جە ڕاو وەشکەرڎەو رێکوزیایۆ" سزاو ١٠ ساڵا و بەبەهانۍ "پڕوپاگەندەی دژوو دەوڵەت"ی سزاو ساڵێوە زینڎانیش پۍ سەیوان ئیبراهیمی بڕیەنۆ.

سەیوان ئیبراهیمی هامسەروو زارا محەمەدیێن مامۆساو زۋانی کوردیی، کە ساڵەی ۋیەرڎۍ پەنج ساڵۍ سزاو زینڎانیش سەرەرە سەپیا و دماتەر بە چنەویەرڎەی گرڎی ئازاڎکریا.