ڕاوەبەرو فیدراسیۆنو جەمەکا پەشتیوانی یاسایی چنی بنەیانەو زینانیا و زینانیا- مێد  MED -TUHAD-FED)ی ئورهان ئیشک پەی ئاژانسیما قسێش کەردۍ و ئاماژەش پانەیەدا کە جە زینانەکا تورکیاینە گرڎ مافێوە تەندروسی و ژیۋای زینانییە نەوەشەکا پاشێل مکریۆ و بڕۍ وەختۍ چارەسەری پزیشکیچشا پەی نمەکریۆ و کەلەپچە مکریا.

'گرفتەکە بیەن بە درێژخایەن'

ئیشک ئاماژەش پانەیە دا کە بە دەیان زینانیۍ نەوەشۍ هەنۍ ئینۍ ئاژێوەنە نمەتاوا ۋێشا چارەسەر بکەرا و چنی ئانەیچە ئەشکەنجەی نامرۆڤانە ۋەرا ۋەرشا ئەنجام مڎریۆ و واتش: "تەنانەت پەنەوازی ڕوانەیچشا پەی مەیسەر نمەکریۆ. نمەتاوا بڕۍ پەنەواز نان بووەرا. ئینەیچ بیەن بە گرفتێوە درێژخایەن و زینانەکۍ جە لایەنو دۊڵەتیوە فاڕیێنۍ پەی کامپو گلېرکەردەیۆ."

'مشۊم دەس جە دژمنایەتی هۊرگێرا'

ئیشیک ئاماژەش پانەیچ کەرڎ، هامکات چنی ئا گوزارشتا ئەرەمەرزیای پزیشکی دادوەری کە نمەتاوا جە زینانەنە مەناوە، دۊڵەت بە ڕێبازێوە دژمنکارانە ۋەرا ۋەر بە زینانیا نەوەشی مامەڵە مکەرۆ و یاسا مېیاننەتەوەییەکا پاشێل مکەرۆ و واتش "دەستوور و یاسا پاشێل مکریۆ، زینانیە نەوەشەکۍ ڕوبەڕووو مەردەی مکریاوە. مشۊم دۊڵەت بەشێوێوە حەقەتینە نزیکو پرسەکەی بۊوە. ئانەی مکەرۊش نزیکایەتیێوە نامرۆڤانەن. مشۊم واز چی ڕێبازەیشا بارانە."

'گرڎو زینانەکا گۆشەگیرییشا ئینا چنە'

ئیشک ئاماژەش پانەیچ دا گۆشەگیری ئیمراڵی جە گرڎو زینانەکانە وەڵا بیەنۆ، ئیتر گۆشەگیری فرە قورس بیەن و واتش: "هەم ئاژەو تەندروسی زینانییەکا خراپ بیەن، بە تایبەت ئاژەو زینانیا نەوەشی فرە قورسا، هەمیچ ئازاڎ بیەیشا ئاستەنگ مکریۆ."