فەرماندەیی یەرەکەی سەبارەت بە هجوومەکەو دەوڵەتوو تورکی ئەرەگیری جە ١٥ نیسانینە، پەی مەنتێقەو پێنجوێنۍ، ئەرەیاوناێش وەڵا کەرڎۊ و واتش، بە چەپەوانەو بانگەشەکا چا هجوومەنە حیچ زەرەرۍ وەروو هێزەکاشا نەکەوتەن.
فەرماندەیی یەکینەکاو وەرکەوتوو کوردسان (یەرەکە)ی، جە بارەو هجوومی عاسمانیی ئەرەگیراو دەوڵەتوو تورکیوە پەی سەروو مەنتێقەو پێنجوێنۍ ئەرەیاوناێش وەڵا کەرڎۊ.
'پێنجوێنەنە حیچ زەرەرۍ گیانیما نەبییەن'
جە ئەرەیاوناکەینە ئامان: "١٥و نیسانی گرووپێوە جە هامڕایاما وەختێوە سەروو هەرمانەو وێشاوە بێنی، ئا سەیارە کە چەنەش بێنی تەیارۍ بێتەیارەوانوو ئەرەگیراو تورکیوە، بەینوو سەعات ١٨:٠٠ پەی ١٨:٣٠ جە دەوروبەروو پێنجوێنۍ کریا ئامانجوو هجوومێوە عاسمانی. چا هجوومە نائینسانانەنە حیچ زەرەرۍ وەروو هێزەکاما نەکەوت، ئا زانیاریۍ چا بارەوە وەڵۍ کریێنێوە بانگەشەو ئانەیە کەرا زەرەری گیانیما بییەن ڕاس نییا. ئێمە ئا هجووماو ئەرەگیرا کە حیچ بنەمایۍ و ئەخلاقێوە ئینسانی مەشناسا، شەرمەزار کەرمۍ و وەرانوەرشانە کۊشیایما تنڎتەر کەرمێوە ".
ئەرەیاوناکەو فەرماندەیی یەرەکەی ئینەن:
"ئەرەگیرییەکاو تورکیای ماوێوەن وەراوەروو هەرێمەکاو ئاسۊسی و پێنجوێنێوە جموجووڵی عاسمانی و هەمیچ هجوومی عاسمانیی خۊی وێش زیاڎتەر کەرڎەن. ئی هجوومیچە جە کۊنسێپتی گرڎینی ئەرەبڕیا نییا، پەیوەندییش بە جەنگی هەمەلایەنەیوە هەن دژوو گەلاو کوردسانی و گەریلاکاو ئازاڎی. بەتایبەتی چی قۊناغەنەو جە وەرکەوتوو کوردسانی و ئێراننە ئینا ئارانە، جە ئاستێوە بەرزنە تواناو گەلیش وستە گەڕ، بەڕێکوستەیکەرڎەیش کەرد و ئانەیچ پەی دوژمنی تەرسۍ گەورێنە، وەروو ئانەیچ هێزە دەسەڵاتدارەکۍ زیاڎتەر ڕووە کەرا سەرچەمەو ئا ئایدۊلۊژیایە، کە دۊگە بە دۊگە فراوانتەر و وەروەڵاتەر بۊ و گەرەکشانە گرڎ لاێوە دلێشنە بەرا. سەروو ئا بنەمۍ جە سیاسەتوو قڕکەرڎەینە کە دژوو کوردسانی پەیڕەوش کەرا، جە چوارچوەو بەرژەوەندییەکاشانە کوۍ باوە و یۊی گێرا. ئێمە بەنۊعێوە وەرەچەم هەست پا ڕاسییە کەرمۍ و پێویسا گەلەکەما جە بابەتوو یاواینەی جە ڕاسیی دوژمنی و کۊشیاینە وەراوەر پا ڕاسییە، پەی وێڕێکوستەی و بەرزکەرڎەیۊ هەوڵەکاش زیاڎتەر هەس کەرۊوە. وەروو ئانەی هاگاشئینا خاکەکەیش و وەرگێرییش چەنە کەرۊ".
س.ز
