چنی ئامایۊ جەژنەو رەمەزانی، گەلو سوریای و ۋەرنیشتوو کورڎسانی سەرەڕاو هەلومەرجۍ دژواری و سەربارو تەوقەکا سەریش، حۊڵ مڎا بە ساناو شیرینی و جلوبەرگی ۋێشا پۍ جەژنەکۍ ئاماڎە کەرا. بەمەڵامەتو تەوقەکا سەریشاۋە جە بەعزۍ جە مەنتیقەکا پېسە شێخ مەقسودی و ئەشرەفیەی و شەهبای ئاڎۍ جە ساناو شیرینی بۍ بەش کریێنۍ. دلۍ بازاڕەکانە بە مەڵامەتو ئامایۊ جەژنېۋە حیچ جموجوڵێوە مە ۋینیۊ، ئینەیچ هەم پۍ تەوقەکا و هەمیچ پۍ ئاژەو دژواری ژیای چاکە گېڵۊۋە.

جە هەرێمو فراتینە دلۍ بازاڕەکانە خەڵک بە مەڵامەتو ئاژەو دژواری ژیایۊ، پۍ ساناو جل و بەرگی و شیرینی تواناو سانایشا کەما.

جە هەرێمو فراتی گەلوو هەرێمەکەی ۋەڵۍ جەژنېنە مبارەک بایی جە یۊترینی کەرا، ڕوۋە مکەرا زیارەتگاو گەشمەرڎا و چاگە یاڎو گەشمەرڎا مکەراوە. دماتەر گرڎ کەسۍ شیرینی بەخشۊوە و جەژنە پیرۊزە جە یۊترینی مکەرا.

جە دیمەشق و پایتەخت و سوریایچ بە مەڵامەتو بەرزی نرخ و کەلوپەلەکاوە و گرانیۊ گەل مەتاۋا پېۋیستیەکا جەژنۍ بسانا و جە شیرینی و جل و بەرگو جەژنۍ بێبەشېنۍ.

هـ . ش