نەورۆزوو ٢٠٢٤ بە نامونیشان و سەرهۊردە وەختوو ئازاڎیی و سەرکۊتەیا' جە چنڎین یاگێنە پێرۆز کریۆ، ٢١ ئادارینە جە ئامەدەنە پیرۆز کریۆ.  جە دەیان یاگێنە ئێروو نەورۆزی کریانۆ و جە ئیسەنە بە جۆش و خرۆشۆ دلۍ گەلینە بەردەواما.

نەورۆز ژیۋایۆ گەلوو کوردیا

ئەڎاو ئاشتی هاڤا کیرانە ئاماژەش پانەی کەرد نەورۆز بە ماناو ئازاڎیی گەلا مۍ و واتش: "پێسە ساڵای تەری ئێساڵیچ بە جۆش و خرۆشۆ نەورۆز پیرۆز کەرمۍ. پێسە ئەڎایا ئاشتی نەورۆزی جە گرڎوو گەلی پیرۆز کەرمۍ. نەورۆز سیمبوڵوو ئەرەکۊشای ٥٠ ساڵەو گەلوو کوردین. با نەورۆز بۆ بە مەڵامەتوو کەردەیۆ بەرەو ئیمراڵی. نەورۆز جە هەر چوار پارچەو کوردسانی مبارەک بۆ، داواو من ئانێنە: بەیدۍ با مێڎانەکا نەورۆزی پەڕکەرمۍ و جە مێڎانەکا نەورۆزیۆ سڵام جە مدرامانەکا زینڎانیا کەرمۍ."

نەورۆز مدرامانا

چالاکەو تەژەئای دیلان گوڤەنچ-ە ئانەش وست ڕووە کە نەورۆز ڕەمزوو ژیۋایۊین و واتش: "ئی ژیۋایۆ ئاڵاو ژیۋایۆ و ئازاڎییا. ئاڵاو کۊشیاینە جە دژوو زوڵمی و ستەموو دەسەڵاڎداری. جە حەر یاگێوەنە زوڵم و نادادی بۆ، چا یاگێنە نەورۆز بۆ بە ڕەمزوو کۊشیای. گەر مدرامان بۆ ڕۆحوو نەورۆزی هەمیشە بە زینڎەیی مەنۆ. پێسە گرڎ ساڵێوەتەری، نەورۆزوو ئێساڵیچ جە دژوو ستەمی، دەسەڵاڎداری، نادەدپەرەوەری پیرۆز کەرمۍ. چنی ئینیشایچ گرڎی بە ژیۋگێوە کە ئەرەکۊشایەکا ژەنا بە فەلسەفەو 'ژەنی، ژیۋای، ئازاڎیی' ئێژا بۆ، گەلوو کوردی و دۆسەکێشا جە دژوو گۆشەگیری جە گرڎ مێڎانێنە چالاکی ئەنجام مڎا، بە جۆش و خرۆشێوە گەورۆ جە هۊرچنیەکانە سەرۍ گنمۍ.

جە مێڎانەکا نەورۆزینە جوابوو هۊرچنیەکا ٣١و ئاداری بڎەیمێوە.

گوڤەنچ-ە ئاماژەش پانەی کەرد کە نەورۆز ڕەمزوو تازەبیەیۆ، سەرکۊتەی، دەسکۊتی و وەهارین و ئینەش وات: "ئێساڵ بە جۆش و خرۆش و ٨و ئاداریوە ملمۍ دلۍ نەورۆزی و بە جۆش وخرۆشی گەورەو نەورۆزیچۆ ملمۍ دلۍ هۊرچنیاکا ٣١و ئاداری. ڕۆحوو نەورۆزی ڕەمزوو ئازاڎیی ژەنا و گەلوو کوردین. ڕەمزوو یۊبیەی گڵێرگەییا. جە نەورۆزەنە دەنگما دژ بە زوڵمی هۊربڕمۍ. جەژنەو ژیۋایۆ جە گرڎوو گەلا پیرۆز بۆ. با بۆ بە مەڵامەتوو ئاشتی، دمایی ئاردەی بە گۆشەگیری، یۊبیەی و ئازاڎیی گەلیما."