کۆمیتەو پەیوەندییەکا جبەرو کەجەکەی ئاماژەش پانەیە کەرڎ کە سەرکۆتەی هێزە چەپ و سۆسیالیستییەکا تاریخیا و دەسنیشانش کەرڎ سەرو بنەماو ئیکۆلۆژی، دیموکراسی و ئازاڎی ژەنۍ پەشگیری مکەرا جە ئەرەکۊسای گەلوو سریلانکای.
ئەرەیاۋناکەو کۆمیتەو پەیوەندییەکا جبەرو کەجەکەی پی جۆرەنە:
"گەلوو سریلانکای کە ساڵەو ٢٠٢٢ دژو چەوەسنایۆی، ئابووری رانتی و بەرتیلی، دزی، بێکاری، گەندەڵی و دیکتاتۆری مردێوە و سەرهۆردایشا کەرد، سەرۆککۆمارو ئا کاتیە گۆتابا راجاباکسا کە رەنجو کرێکارا و هەژارا تاڵان کەرۍ، سامانو ۋێش زیاڎ کەرۍ، وڵاتی کاولکەرۍ، پەی ۋێش و بنەیانەکەیش و دەوروبەرەکەیش کۆشکە وەشکەرۍ، بە شۆڕشێوە شکۆدارانەو گەلی جە دەسەڵاتداری ئاردشارە واری و ئا شۆڕشە پەی گەلاو جەهانی ئانۍ کە دژو دەسەڵاتداری مرداوە بی بە سەرچەمەو ئیلهامی. گەلوو سریلانکای کە جە دژوو ڕژێمی تاکڕەوی و یەک بنەیانەیی ئەرەپڕۍ، ئێساڵیچ جە ۋەرا ۋەرو حکومەتێنە کە گەرەکش بۍ بە نامۍ ئابووری نیم لیبراڵیزمی درێژە بە سیاسەتو تاڵانکاری و دیکتاتۆر و ڕژێمی هۆرشێویایۆیش بڎۆ، بە ڕۆحو هەمان سەرهۆردایۆ هەڵوێسشا نیشانە دا، جە هۆرچنیەینە شکسشا پنەئارڎ و سەرکۆتەی دیموکراتیکی ۋێشا ئەرەیاۋنا.
بێگومان ئی هەڵوێسە دیموکراتیک و شۆڕشگێڵنیەو گەلوو سریلانکای تەرسیش وستە دڵو دیکتاتۆراوە کە گەرەکشانە بەردەوامی بڎا بە ڕژێمە تاکڕەوییەکاشا و گەلی دوچاری هەژاری بکەرا. جە هەمانکاتەنە جە ئاستو هەرێمی و مېیاننەتەوەیینە پەی گەلا جەهانی کە تاڵان مکریا و چێر دەسینە بیێنۍ سەرچەمەو ئیلهام بەخشایا.
ئی سەرکۆتەیە دیموکراتیکییە کە گەلوو سریلانکای جە هۆرچنیەینە بەدەسش ئارڎەن، دەرەنجامو هەڵوێسی شۆڕشگێڵنی و توڕەییا جە دژوو ئابوری و تاڵانکاری. هەرپاسە بەرش وست ستراتیجو هامپەیمانی هێزە دیموکراتیکیەکا ئا وڵاتیە و هامکاری دیموکراتیکی چڼە کاریگەرا و چارەنوویس سازا.
پۊکەی فرە گرنگا پەی بەردەوامیدای بە دەسکۆتەکا ئیساتۍ پەنەوازا درێژە بە هامکاری دیموکراتیکی بڎریۆ و جە ڕوانگەکا نەتەوەی دیموکراتیکینە هەمیشەی بۆوە. جە سریلانکانە کە خاکو گەلا سنحالا، تامیلی و مۆرەین، وڵاتو گروپە ئیتنیکی و ئاینییەکا بودایی، هیندۆسی و ئیسلامییا، ڕوانگەکۍ نەتەوەی دیموکراتیک و خۆسەری دیموکراتیک پەی گردفتە کۆمەڵایەتی، سیاسی، ئابوورییەکا کە جە لایەنو هێزەکا مۆدێرنێتەی سەرمایەدارییوە قوڵۍ کریێنۍ، فۆرمۍ هەرە دیموکراتیک و ئازاڎیوازی و چارەسەرییا.
سریلانکا کە بە مەڵامەتوو کارەکا سیستەمو کۆڵۆنیالی سەرمایەدارییوە کێشە و قەیرانی فرەش ئینا چنە، بە سەرمەشقی سەرکردەی چەپ و سۆسیالیستی(AKD ) ئانورا کومارا دیسانئایکا جە چوارچێوەو هامپەیمانی هێزو نەتەوەیی گەل (NPP )ینە بە هامپەیمانی جەمە جیاوازەکا سیاسی، تەڤگەرو ژەنا و جوانا و سەندیکاو کرێکارا جە هۆرچنیەینە سەرێکۊتۍ کە ئاستۍ تاریخینە گرنگا. بۊنەو ئی سەرکۆتەیۆ مبارەکبایی جە گەلوو سریلانکای، بەڕێز ئانورا کومارا دیسانئایکا کە سەرمەشقی ئی سەرکۊتەیشە کەرڎ و جە گرڎوو پێکئامایەکا هێزو نەتەوەیی گەلی مکەرمۍ، هیواڎارێنمۍ جە سەرکۊتەکاشا بەردەوامۍ با. بە نامۍ تەڤگەرو ئازاڎی کورڎەسانیوە هەس بە گرنگی سەرکۆتەی ئەرەکۊشای دیموکراسی و ئازادی گەلو سریلانکای مکەرمۍ و دیاریش مکەرمۍ کە پەشگیری جە ئەرەکۊشایشا مکەرمۍ کە سەرو بنەماو ئیکۆلۆژی، دیموکراسی و ئازاڎی ژەنۍ ڕاوەبەر مکریۆ.
