چالاکییەکاو ئێشکگێریی پەی ئازاڎیی جەسەیی ڕابەروو گەلوو کوردی عەبدوڵا ئۊجالانی و چارەسەری سیاسیی پەرسەو کورد چند شارێوەنە بەرڎەواما.

ئیستەنبوڵ

چالاکییەکەو ئیستەنبوڵینە ٥٥ ڕوێن بەرڎەواما.

چالاکییەکەنە ئەندامەو لوجنەو ڕاوەبەرڎەی کۊمەڵەو چاندوو دۊسا، تورکەر دەمیرجییە ئاماژەش پەنەیە کەرد، گەلوو کوردی زیاد جە گرڎ گەلێوە تەروو وەرکەوتوو دلێڕاسەی ڕووبەڕووۍ ستەمی و کۊکوشی و قەدەغەی و بێسەروشۊنیی ئامێنۍ، هەرپاسە پەشتیوانیی وێشا پەی کۊشیای گەلوو کوردی ئەوەخوای کەرڎۊ، واتش: "کۊشیای دژوو گۊشەگیری، پەیڕەوو ئینسانیەتوو ئێمەن، پێویسا گرڎلایۍ خاوەنداری جە مدرامانوو ئەڎایا و ژەنا کەرۊ".

چالاکە فینجە ئاکمانە واتش: "تا ڕابەرما ئازاڎ نەبۊ، ئێمە ئاسوودۍ مەبیمۍ. پەنەوازا ڕابەریما ئازاڎ کەرمۍ و دلۍ وێمانە وینمێشۊ. ئازاڎیی نزیکا".

مێردین

چالاکییەکەو مێردینی بەرڎەواما.

بەشداربیۍ چالاکییەکەی تیشکیشا وستە سەروو گرنگیی مانگێرتەی جە وارڎەی و ئێشکگێری داڎپەروەری و ڕاپیمای گەورەو ئازاڎیی پەی ئازاڎیی جەسەیی ڕابەروو گەلوو کوردی عەبدوڵا ئۊجالانی و چارەسەری سیاسی پەرسەو کوردی.

ئەڎاو ئاشتی، عەتیە بوڵگانە ئەرەیاوناش گەرەکشانە دژوو گۊشەگیری ئەنجامێوە دەس وازا، سڵامش وەنەو ڕاپیمەرا و زیندانییا کەرد.

وان

چالاکییەکەو وانی ٦٣ ڕوۍ بەرڎەواما.

چالاکییەکەنە چندین جارۍ درووشموو "بژیوۊ مدرامانوو زیندان"ی و "بژیوۊ سەرۊک ئاپۊ"ی بەرزۍ کریێوە.

ئەدەنە

چالاکییەکەو ئەدەنەی ٦٤ ڕوۍ بەرڎەواما.

چالاکییەکە بە سەرمەشقایەتیی ئەڎایاو ئاشتی داواو ئازاڎیی ڕابەروو گەلوو کوردی عەبدوڵا ئۊجالانی و گرڎوو زیندانییا کریا. چندین جارۍ درووشموو "بژیۊ مدرامانوو زیندانی" بەرز کریاوە.

مێرسین

چالاکییەکەو مێرسینی بەرڎەواما.

چالاکۍ، ئەڎاو ئاشتی، ماشەڵا شاکارە ئەرەیاوناش کۊشیایشا پەی ئازاڎیی ڕابەروو گەلوو کوردی عەبدوڵا ئۊجالانی و گرڎوو زیندانییا بەرڎەواما. چالاکییەکە بە چڕیەی گۊرانییا بەرڎەوام بی.

ئامەد

چالاکییەکەو ئامەدی ٦٣ ڕوۍ بەرڎەواما.

کارمەنداو چاندی و هونەرمەنداو ناوەندوو چاندوو دیجلەی و فوراتی، شانۊو شاروو ئامەدی، سینەماو وەرکەوتوو دلێڕاسەی سەرۍ چالاکییەکەیشا دا، چالاکییەکە بە نمایشی هونەری بەرڎەوام بی.

درووشموو "بژیوۊ مدرامانوو زیندانی" و "بۍ سەرۊکی ژیوای مەبۊ" و "ژەنی، ژیوای، ئازاڎی"ی بەرز کریاوە.

ئێلح

چالاکییەکەو ئێلحی ٥ ڕوۍ بەرڎەواما.

چندین پارتۍ و ڕێکوزیۍ و کەسێتییۍ سەرۍ چالاکییەکەیشا دا.

چالاکییەکە بە چڕیەی گۊرانییا و بە جۊشوخرۊشۊ بەرڎەوام بی.