هامڕا ئەڤینە جە عومرێوە گولانەنە بەشدارەو ڕێکوستەی بییە.  پێسە فرەو هامڕایاو بۊتانی عەشیرەتوو گۊیی خەڵکوو دگاو حیلالینە. ساڵەکاو ئەوەڵینە کە پەکەکە لوا پەی ئا یاگا و پڕوپاگەندەی چەکداری کریۍ، پەکەکەش ئشناسا. چا ساڵانە پەکەکەشناسای یانۍ یوەنی جە پارتیزانە ڕاسینە یوەمە سەرمەشقەکا، یان متاومۍ بواچمۍ ئانۍ کە بەتەمامی جە خەتەو ڕابەر ئاپۊی یاوێنێنە و بەتەمامەتی تەمسیلوو ئا فکر و فەلسەفەیە کەرا. ئی ئشناسایە و یاواینەیە و ئی پێوەسبییەیە بە ویەرڎەی وەختی قووڵتەر بۊوە و کەسایەتیچشنە بۊ بە پیمەر و هێزێوە گەورەو فاڕیای. هامڕا ئەڤینەیچ  چا ساڵانە پەکەکەش ئشناسا و عومرێوە گولانەنە بەشدارەو دلۍ ڕیزەکاو گەریلای بییە.  تەنانەت چا عومرە گولانەنە بەشدارەو دلۍ جەنگی بۊ و ئەزموون پەیدا کەرۊ و بۊ بە کەسێوە پڕۊفیشناڵە. بە شێوێوە پراکتیکی بەجۊشوخرۊش و مۊڕاڵێوە گەورەوە فرەو مەنتێوەکانە گەریلایەتییش کەرڎەن و فرەو کەشەکاو  کوردستانینە هەناسەش دان. فرەو گوڵەکانە بووە و هەناسەش ورلووشتەن.  فرەو هانەکانە ئاویش وارڎێنۊ.دلۍ سروشتینە گۊرانیێش واتۍ و چەنیش درڎەو دڵێش باس کەرڎە. چەمەکاشنە هەمیشە هومێد ورشەش ئۍ، پێسە هامڕا ئەڤینە بە جۊش و موراڵوو وێشۊ هومێدوو ژیوای دلۍ دڵوو هامڕایاشنە ژیونێوە.

ساڵەو ١٩٩٦ هامڕا ئەڤینە فەرماندۍ مەنتێقەو گاباری بۍ،  جە جەنگەوانەکا عومرش گولانەتەر بۍ، بۊتاننە، زاگرۊسنە ومەنتێقەکاو پارێزنای میدیاینە هەرمانەی سەروازییەش گێرتە دەس. دماو کێشیایوە سەرنیشتی یا دماو ساڵاو ٢٠٠٠ هامڕا ئەڤینە بەشدارەو دلۍ خەباتوو گۊنگرەو گەلی بییە.  دلۍ گردوو هەرمان و بوارەکانە بیێنە و کۊشیێنە. جە کۊبییەیوەی گردینوو کۊنگرەو گەلینە ساڵەو ٢٠١٣ پێسە ئەندامەو کۊنسەو ڕاوەبەرایەتیی کەجەکەی ورەچنیا. تا وەختوو گەشمەرڎەبییەیش، ئەندامەو کۊنسەو ڕاوەبەریی بۍ.

هامڕێوە، هێمنە، ئارامە، جیددییە، ڕەنجدەرە، ونگەرمە و ماناییە بێ، ئا خاڵۍ کە کاریگەرییش سەروو هامڕایاماوە وەشە کەرڎە، کە ساڵەو ١٩٩٧ینە بە جۊش و خرۊشۊ بەشدارەو دلۍ کۊشیای بۊ، وینای ڕابەرایەتی و پەروەرڎەوینایش لاو ڕابەریماوە. هامڕا ئەڤینە کەسایەتێوە ئارام، هێمن و جیددییش بێ. ناخش فرە جیاواز بێ. هەمیشە بەجۊش و خرۊشە بێ، بە خووەکەیش گرڎ کەس ئشناسێشۊ، ڕەفاقەتش قووڵ بۍ و گرنگیی فرە بە ڕەفاقەتی دۍ و پەیچش ڕەنج دێ. ئازۍ و جەنگەرانە بێ. گرڎوو بوارەکاو ژیواینە بە تایبەتمەندییەکاش یاگۍ وێش بێ. لایەنوو جەنگی و هەرمانێنە دایمە مەیدانەنە بێ. بە فیداکاریێوە گەورەوە بەشداریی جەنگی و ژیوای بێ.  هامڕێوە دڵنزمە بێ، وێش جە ژیوای ماددی و پەیوەندیی ماددی دوور گێرێ، پێچەوانەو ئینیە مەعنەویاتێوە فرەقەوەتش بێ. خاس نزیکەو ئا نرخا بێوە، کە پەکەکەی ئەرەمەرزنێبێنێ. نرخە نیێرە پەی ئا هامڕایا کە هەریۊشا پارچێوە و کەڵتوورێوە جیاوازۊ بەشداروو دلۍ ڕێکوستەی بیێبێنۍ و هەمیشە هەوڵۍ دۍ ئا کەسا کەرۊ بە هینۍ ڕێکوستەی. پەی نموونەی ساڵەو ١٩٩٦ هامڕا پەڵدا ئەڵمانە ئاما گابار،گرووپوو هامڕا ئەڤینێنە بێ. بۊنەو  ڕەفتارە ئەرێی و واتاییەکاو هامڕا ئەڤینێوە هامڕا پەڵدا سەرسامە بییە بە هامڕا ئەڤینێ. گرڎوو ڕۊنویسەکاش سەروو هامڕا ئەڤینۍ نویسێ. هامڕا ئەڤینە بەها دۍ بە ڕەفاقەتی جیاوازییەکاو دلۍ پەکەکەی و وەشەسیایۍ گەورەش پەی ڕەفاقەتی بێ. جە بواروو هەرمانێنە سەبەبوو جۊشوخرۊشی بێ. چند جارێوە جەنگەنە بریندارە بییە، دماجارشا مەیدانوو مەمینە بۍ و پێسەیچ قەت جە کۊشیای وێش نەکەوتە. وەراوەروو قۊرتەکانە ئیرادێوە یەکجار قەوەتش بێ.  

ئێمە پێسە تەڤگەروو ئازاڎیی کورڎسانی و تەڤگەروو ئازاڎیی ژەنا، جە ژیوای و کۊشیاینە هامڕا ئەڤینۍ کەرمۍ بە بنەما و بەرڎەوامۍ بیمۍ جە کۊشیای. تا ئا وەختە ژیواێوە ئازاڎ و گلێرگێوە سیاسی و ئەخلاقی بنیات منیەیمێ، گرڎ وەخت و هەناسێوەنە هەقە جە سیستموو دەسەڵاتداری پیاسالاری کەرمێوە. هەقەی حەرەگەورۍ جە سیستموو پیا-دەوڵەتی ئانێنە، کە کۊشیای ژەنا بیاونمۍ ئاستێوە جیهانی و بە کۊشیای هامبەش ژەنا گرڎوو بەشەکاو جیهانینە ڕێکۍ وزمۍ و ڕزگاریی دیمۊکراتیک بەدەس بارمێ. ئینەیچە بە بەیاگەیاونای سیستموو مۊدێرنیتەی دیموکراتیکی کە پەشتی بە ڕەگەزەکاو دیموکراتیک، ئیکۊلۊژی و ئازاڎیی ژەنا بەسۊ. وەرووو ئینەیچە مشۊم پەشتیوانی جە هەنگامۍ بناغەیۍ "ئازاڎیی پەی ڕابەر ئاپۊی و چارەسەری سیاسیی کورڎ"ی کەرمێ. ئینەیچە وەعدوو ئێمەن پەی هامڕا ئەڤینۍ و تەماموو گەشمەرڎاو کورڎسانی.

* ئەندامەو کۊمیتەو ڕاوبەریی پەکەکەی خالیدە ئەنگیزەکە