ڕاپیماو گۊرەو ئازاڎیی پۍ ئازاڎیی ڕابەروو گەلوو کوردی عەبدوڵا ئۆجالانی و چارەسەری سیاسی پرسوو کوردی جە وان دەسش پنە کەرد، یاوا شاروو جولەمێرگی، چنڎین پارت و ڕێکوزیۍ و کەسایەتیۍ چنەشەنە بەشدارۍ بێنۍ. جە سەرانسەروو ڕاپیماکەینە گۆرانیێشا چڕیۍ و درووشمێشا بەرزکەردێوە.

هامسەرۆکوو گرڎیی پارتوو هەرێمە دیموکراتیکەکا (دەبەپە)ی، کەسکین بایندەر واتش: "ئازاڎیی بەڕێز عەبدوڵا ئۆجالانی و چارەسەری پرسوو کوردی پێویسا، پۊکاتی پی ڕۍ ماچمۍ، ڕاو ئازاڎیی و شکۆمەنڎیی. با ئیتر کەشەکۍ جولەمێرگی نەبا بە یاگۍ بنکەو سەروازی، بانۍ بە یاگۍ ئازاڎیی و هۊرپڕای".

بایندەر سەرنجش وست سەروو جەنگی درێژمەودای جە کوردسانەنە، بانگەوازش کەرد پۍ چارەسەری، واتش: "قسۍ حەقەتینەو چارەسەری، بەڕێز ئۆجالانا، ئینە تەنیا پرسوو کوردی نییا، پرسوو گرڎیمانە. پەی ئاشتی و ئازاڎیی ئی وڵاتەیە ڕاپیمایما کەرد. با گەلوو تورکیای پەشتیوانیش ۋنەکەرا. ئینە ڕاپیماو ئاشتی و ئازاڎییا. ئامانجەکەش دمایی ئاردەین بە جەنگی".

ڕاپیماکەی سەوای جە مەنتیقەو ئەلکێی شەرناخینە بەردەوامیش بۆ.