ئیدارەو وێڕاوەبەری دیموکراتیکو سەرنیشتوو و وەرکەوتوو سوریای بە بۆنەو ١٠هەمین ساڵڕۆو سەرکۆتەی مڏرامانو کۆبانێ بەیاننامێوەش وەڵاکەردۆ.

ئیدارەو وێڕاوەبەری جە بەیاننامەیەکەیشەنە ئاماژەش پانەیە کەرد، سەرکۆتەو مڏرامانو کۆبانێ بیی بەمەڵامەتو دلێنەبەردەی پڕۆژەو چەتەکا جە سوریانە و، ناوچەکە و جەهانەنە.

ئیدارەو وێڕاوەبەری ئەماژەش بە یۆبییەی گەلا ناوچەکەی دا جە مڏرامانو کۆبانێنە و ئەرەیاوناش: "ئا مڏرامانەی جە ئەنجامو یۆبییەی گەلەکەیمانە وەڵێ وسیا، حەقێقەتو ئیرادەو گەلی و هێزو ئاڏشاش جە وەراوەرو پڕۆژەو کۆمکوژیی و کاولکاری سەلەمنا. سەرکۆتەو کۆبانێ سەرکۆتەو مرۆڤایەتی بێ. سەرکۆتەو ئا مڏرامنەو سوریای و گرڏو جەهانیش جە تەرسێ پارێزنا. هەرپاسە بە بەشداری گرڏو گەلوو کوردی جە مڏرامنەکەن و بەشداری ئینترناسیوناڵیستەکا سەلەمناش کە ئیرادەو ئازادی سەرگنۆنە."

پی بۆنۆ، ئیدارەو وێڕاوەبەری یاڏ گەشمەرڏا و زامڏارا مڏرامانو کۆبانێش بەرز راگێرت و ئەرەیاوناش کە میراتو ئی مڏرامنەیە ئارۆ جە دژو هرووژمەکا دۆڵەتو ئەرەگیرو تورکی و چەتەکاش کە هەوڵو ماڕاو ئیرادەو گەلی مڏرانە، سەرگنۆنە.

ئیدارەو وێڕاوەبەری جە درێژەو بەیاننامەکەیشەنە ئەرەیاوناش؛ ئا دەستکەوتێ بە مڏرامانو کۆبانێ دماو ئاڏ بەدەس ئامێنێ مشۆم پارێزیانە، هەرپاسە داواش جە گرڏو هێزە دلینەییەکا سوریای و گلێەگەو مییاننەتەوەیی کەرد کە جە وەراوەرو هەڕەشەکا پەی سەرو دەستکەوتەکا سەرنیشتوو و وەرکەوتوو سوریای و بەنداو تشرینی، وەرپرسیارێتی وێشا جابەجێ بکەرا. بەردەوامی هرووژمەکا کارەساتی ڕاستەقینە جە ڕووەو سەرهوردایۆ داعشی و تەرسی تەرش چنەگنۆوە."

ئیدارەو وێڕاوەبەری جە دماینو بەیاننامەکەیشەنە ئەرەیاونانش: "مڏرامنو کۆبانێ پێسەو بناغێوە بەهێزی و گەش پەی بەهێزکەردە و پەرەپنەداو مڏرامنیما جە گرڏو ئاستەکانە مەنۆوە. ڕۆحو ئی مڏرامنەیە جە بەنداو تشرینی ئارۆ ئینا گەشەکەردەینە و بەردەواما و سەرکۆتەی تومار مکەرۆ. ئێمە بەردەوامێ بیمێ جە مڏرامانی و بی ڕۆحۆ. هەرپاسە بە ڕۆحو مڏرامنو کۆبانێوە ناوچە ئەرەگیرییەکا ئازاڏێ مکەرمێ و ئەرەگیرا جە خاکەکەیمانە کەرمێ چبەر و گرڏو پڕۆژە گڵاوەکاشا هورشێونمێوە، سوریێوە بەهێز پەی واڵە و برایا وڵاتپارێزیما بنیات منییەیمێ."