نوویسەر ئیلهام باکیر جە چالاکی وانایۆ کتێبەکا ڕابەر ئاپۆی قسێش کەردێ و ئەرەیاوناش، کورد نوێنەرایەتی ڕێنێسانسو وەرکەوتوو دلێڕاسەی مکەرۆ. ئیلهام باکیر واوەیش کەردۆ، سەرمەشق و هێزو ئی ڕێنێسانسەیە ڕابەر ئاپۆن.
بەبۆنۆ ٧٦ هەمین ڕۆوبییەو ڕابەر ئاپۆی جە بیناو کەجەجەی لەندەنەنە، بە نامنیشانو 'وانایۆ عەبدوڵا ئۆجالان' ی چالاکییێ ئەنجامدریا. چالاکی 'وانایۆ' کە جەلایەنو ئەنجوومەنو گەلوو کوردو لەندەنیۆ ڕێکوزیا، بە بەشداری ژمارێوە وەرچەم جە جوانا و ئەنتەرناسیۆنالیستەکا لواڕاوە.
چالاکییەکەنە مێزێ جە کتێبەکا دەربارەو فەلسەفەو مۆدێرنیتو دیموکراتیکو ڕابەر ئاپۆی نریارە و نامنیشانو 'نەتەوەو دیموکراتیک' و 'ڕاو یەرەمی' و 'مۆدێرنیتو دیموکراتیک' ی تاوتوێ کریێ.
نوویسەر ئیلهام باکیر بەشداری چالاکییەکەیش کەرد، ئەرەیاوناش دلێ هەلومەرجو جەنگو جەهانی یەرەمینە، وانایۆ ڕابەر ئاپۆی گرنگا، واتش: "کاتێ ئینسان تەماشەو جەنگی و کۆمکوژی و کوشتەو وەرکەوتوو دلێراسەی مکەرۆ، پەی ڕزگاربییەی جە دۆزەخو وەرکەوتوو دلێڕاسەی، وینۆنە کە پارادایم و پێشنیار و نزیکایەتییەکا ڕابەر ئاپۆی پەی بنیادنیاو ژیوای فرەڕەنگی دیموکراتیکی، چن گرنگا".
باکیر ئەرەیاوناش کورد نوێنەرایەتی ڕێنێسانسو وەرکەوتوو دلێرسەی مکەرۆ. واوەیش کەردۆ، سەرمەشق و هێزو ئی ڕێنێسانسەو ڕابەر ئاپۆی، جەختش کەردۆ مشۆم خاس ڕابەر ئاپۆی وانمێ و چنەش یاومێنە و پێشنیارەکاش جابەجێ بکەرمی، واتش: "پەی گەلوو کوردی و گەلا وەرکەوتوو دلێڕاسەی یاواینە جە ڕابەر ئاپۆی، فرە گرنگا. پۆکەی مشۆم ئی وانایۆ، فراوانتەر کەرمێنە، فیکرو ڕابەر ئاپۆی تاوتوێ کریۆنە و وەڵکریۆوە، ئا فەیلەسووفا ئیسفادەشا چنە هورگێرتێنێ ونریاوە و تاوتوێ کریانە، پەنەواا ئی پارادایمەیە بەعالی یاومێنە و جابەجێش کەرمێنە".
