ئاڤەند ئاندۊک (ئارین عەلی ئۊسۊ)ە، کە ساڵەو ١٩٩٦  شاروو کۊبانێ وەرنیشتنە پەیدا بییە، جە شۊڕشوو وەرنیشتینە بەشڎارییش جە هەرمانەو رێکوستەینە کەرد. ساڵی ٢٠١٢ جە عەفریننە بەشڎارییش جە دەورەو پەروەرڎەینە کەرد و چاگەی چدەورێوە کاریگەرش گێرت دەس. دماو ماویوە قەرارش دا کە بەشڎاری جە ڕیزەکاو گەریلاینە کەرۊ و ڕووەش کەرڎە کەشی. "ئاندۊک"ە جە مەیڎانوو مەتینای بەشڎارییش جە پەروەرڎەو جەنگوانی تازەینە کەرد. بۊنەو دڵسۊزیی وێش پەی بەهاکاو شۊڕشی و بەشڎاربییەی وێش بییە نموونە پەی ڕەفێقەکاش. جە پاگێرتەیرەی و کۊشیاینە هەوڵەکاو وێش پەی لوای  سەروو ڕێبازوو زیلان-ێ وەڵێوە بێ. جەنگوو گەریلاینە گەریلاڎا ئەگەر فرە قۊرتێ و مانیاییچش دیێ، بە ئیراڎێوە جە گرڎوو مەیڎانەکانە بەشڎاری کۊشیای و جەنگیش کەرد.

گەریلا "ئاڤەند ئاندۊک"ە ساڵەو ٢٠١٧ ڕووەش کەرڎە بۊتان. بۊتاننە بەشڎاریی فرە چالاکییە سەرکەوتاناش کەرڎە. بەتایبەتی ساڵەو ٢٠١٨ جە دژوو دوژمنی کە جە بەستانە دەسش بە ئۊپراسیۊنی کەرڎەبێ، مدرامانێ گەورەش نیشانە دا. دوژمن کە نەتاوێ بەزەمینی مدرامانوو گەریلای ماڕۊ، بە تەیارەی جەنگی و جە عاسمانۊ جەنگش کەرد، جە ئەنجاموو ئا هجوومانە "ئاڤەند ئاندۊک"ە، چەنی ٨ ڕەفێقاش گەشمەرڎێ بیێ.

'من سەروو رێبازوو زیلانێ و سەمێ ملوو'

گەریلا "ئاڤەند ئاندۊک"ە، جە یاڎاشتوو روانەیشنە بارەو ماناو کۊشیای ئازاڎی لاو وێشۊ پی نۊعە نویستەبێش، "جە مەیڎانەکاو گەریلاینە پاکتەرین هەستەکێ و بەها ئینسانییەکێم دیێ. ئانە وەسی بێ  پەی ئانەی من بوو عاشقەو ژیوای گەریلایانەی، جە قورستەرین هەلومەرجیچنە بەقووەتە بییا. وەروو ئانەی سەرەمڕ هەوڵێم دێ سەروو بنەماو ئایدۊلۊژیای ڕابەرایەتیی وێم بەرەووەڵی بەروو. کۊشیای گەریلای کە ژەنی وەڵێوەبییەیش کەرا، یاوان بەرزتەرین ئاست. ئێمەی ژەنی جە گرڎوو بوارەکانە بەرەو وەڵێ بەرد. ئانە جە سەیەو ڕەفیقە ژنەکاوە بێ.

پێسە ژنێوە گەنجێ سەروو ڕا و رێبازوو ڕاسی، بوو بە شۊنکەوتێ هامڕا زیلانێ و سەمێ. بە درێژایی ژیوایم گەرەکم بێ سەروو ڕیبازوو ئا قارەمانا بوو بە پارچێوە جە ڕاسی. ژیوای هامڕا گیانبازەکام زیلانە و سەما پەیوەندیی منش چەنی بەها ئینسانییەکا بەقووەتتەر کەرد. وەروو ئانەی قەرارم دا بەشڎاریی جە ڕیزەکاو هێزی تایبەتینە کەروو.ئا قەرارە موڵکداری جە ڕاسیی گەشمەرڎا دەرفەتێوەن. هەڤاڵ زیلانە وێش پەی دمایینەو ئی گەلی و ڕابەرایەتی بەختە کەرد.

هامڕا "زیلان"ە ڕاسییەکەش کە چەنی ئازاڎی گەورەێ بیێبێ. پەوکای بە هەزاران  ژەنی مەیڎانەکاو کۊشیاینە و سەروو ڕاو ئاڎێ کۊشیا. ئا مدرامانە ئارۊ بریۊ ڕاوە چانەی بڕیارە نییا. جەنگواناو دلێ سەنگەرەکایچ پا یاواینەوە جەنگوو مەنەی و نەمەنەی کەرا. بە بڕوێوە گەورێ و ئیراڎێوە پۊڵاینۊ بەشڎاریی مدرامانی کەرا. منیچ ئینانێ چا قۊناغەنە وگەرەکما دەوروو وێم وینوو. ئیراڎەو من زیاڎتەر جە گرڎ وەختێ رۊشنتەرا و من بوو بە پارچێوە چا ڕاسییە".

س.ز