ئارۆ ئیسرائیل یاوای كارەوانێوە بۆمباش جە لایەنو ئەمریكایۆ بە وڵاتەكەیش ئەرەیاۋنا و ماچۆ کیانای بۆمبۍ قورسۍ پەی ئیسرائیلی، دەورێوە گۊرەش مەبۆ جە بەهێزکەردەی سیستەمو وەرگری ئاسمانی و سوپاو ئیسرائیلینە.
ئارۆ ئیسرائیل یاوای كارەوانێوە بۆمباش جە لایەنو ئەمریكایۆ بە وڵاتەكەیش ئەرەیاۋنا و ماچۆ کیانای بۆمبۍ قورسۍ پەی ئیسرائیلی، دەورێوە گۊرەش مەبۆ جە بەهێزکەردەی سیستەمو وەرگری ئاسمانی و سوپاو ئیسرائیلینە.ئینە جە کاتێنە، وەڵتەر جە سەردەمو ئیدارەو جۆ بایدنی، سەرۆكی وەڵینو ئەمریكای قەرارو مردنای کیانای بۆمباش پەی ئیسرائیلی دابۍ.
شالېیارو وەرگری ئیسرائیلی ئیسرائیل كاتز سەبارەت بە هۊرگېرتەی كارەوانێوە تازەو بۆمبا ئەرەیاۋنێوەش وەڵاکەرڎۆ.
جە ئەرەیاۋناکەینە ئیسرائیل كاتز، سوپاسو ئیدارەو دۆناڵد ترەمپیش کەرڎ پەی پاڵپەشتییە چەسپیاکاش پەی ئیسرائیلی و واتش: "کیانای بۆمبۍ قورسۍ پەی ئیسرائیلی، دەورێوە گۊرەش مەبۆ جە بەهێزكەردەی سیستەمو وەرگری ئاسمانی و سوپاو ئیسرائیلی".
هەرپاسە باسش چانەی کەرڎ کە ئا كارەوانەی جە ئەمریكاوە ڕەوانەو ئیسرائیلی کریان "بۆمبێش جە وێش گێرتێنۍ"، هەرپاسە زیاڎ جە ٧٦ هەزار تەنۍ كەرەسەی سەروازی بە ٦٧٨ كارەوانۍ و ١٢٩ بارۍ جە ڕاو بەحریۆ یاوێنۍ ئیسرائیل، ئانەیچ بە گۊرەتەرین قۆناغەو فاڕیایۆ ئاسمانی و بەحری جە تاریخو ئیسرائیلینە منریۆرە.
ئاماژەش پانەیچ دا قەبارەو تەقەمەنییەكا دلۍ مووشەكەكا ئێم كەی ٨٤ـی بە نیم تەن مەزڼە مکریۆ، تیژڕەوی موشەکەکا مېیاوۆ سەڎان كیلۆ مەترا.
