یۊرگون ئانەش وست ڕووە کە پارتوو چەپی سەوزی گەرەنتیی داڎپەروەری، ئاشتی، یەکسانی و ئازادیین و واتش، گرنگا کە بە قووەتۊ بلا پەرلەمانۊ.

پارتوو چەپی بۊ بە جوابدەرەوە پەنەوازییەکاو گەلا

هامسەرۊکوو پارتوو چەپی سەوزی ئەورووپانە "ئۊزکان یۊرگون" باسوو ئانەیش کەرد، کە چی گرنگا کە پارتوو چەپی سەوزی بەقووەتۊ بلۊ پەرلەمان و واتش: "یووەم- دەسەڵاتداروو ئیسەی ٢١ ساڵێن بە مەژگێوە فاشیست و دەوڵەتێوە ڕژێمی تاکەکەسی بەرۊ ڕاوە، بە نۊعێوە کە جە ڕووەو داڎپەروەری، ئابووری، کۊمەڵایەتی، سیاسی و کولتووریوە خەڵک زەرەر کەرۊ. مەتاوا گوزارشت جە وێشا کەرا. حەرچندە بە پاڵپەشتیی ئێمەیچ بۊ پێکئامایۍ سیاسی کە پێسە یاگەگیری وێش برمانۊ، ساعیبوو ویرۊکەرڎەی و خاسسازی و فاڕیای ڕواڵەتیین. ماچا کە ئێمە جیاتیی ڕژێموو تاکەکەسی سیستموو پەرلەمانیی بەقووەت مارمۍ ئاراوە. پاسە فکرۍ مەکەرمێوە کە ئینە پەی پەنەوازییەکاو گەلوو تورکیای بۊ بە جواب. تورکیانە جە لایەنی کۊمەڵایەتیوە دەبێت ڕێککەوتەێوە بۍ ئاراوە. ڕاو ئانەیج سازنای یەکسانیین پەی گرڎ کەسی. ئانەیچ کە ئانەی گەرەنتی کەرۊ پارتوو چەپی سەوزین".

'ئێمە پەرلەماننە دەوری سەرەکی گێڵنمێ'

یۊرگون ئەرەیاوناش، کە پارتوو چەپی سەوزی پەرلەماننە دەوری سەرەکی گێڵنۊ و واتش:"وەروو ئانەی تورکیا سەدەو دووەموو وێشنە دیموکراتیک کریۊ، ڕای سەرەکییە و حەوڵی گەورە گنۊ گەرڎەنوو پارتوو چەپی سەوزی. پەوکای داوا جە گرڎوو گەلا و ئینسانیەتی کەرمۍ، دەنگ بدا بە پارتوو چەپی سەوزی. تاکە ڕا، پارتوو چەپی سەوزین. داوا جە گرڎ لایۍ کەروو دەنگێوە بدا بە پارتوو چەپی سەوزی و دەنگێوەیچ پەی کەمال کلیچدارئۊغڵوی".

س.ز