هۊرامان مه‌حاڵێوا که وه‌روو بناغە نیایرەیۍ تایبه‌تی و زه‌مین ئه‌ژناسی، جوغرافیایی، تاریخ، مێعماری و فه‌رهه‌نگی و بنەڕەتۍ تایبه‌تیۍ ، هه‌میشه وه‌رچه‌موو په‌یجۊرکاراو بواره جیاجیاکانه بیه‌ن و هه‌ن.
هه‌ورامان مه‌حاڵێوا که وه‌روو بناغە تایبه‌تیەکاو زه‌مین ئه‌ژناسی، جوغرافیایی، تاریخ، مێعماری و فه‌رهه‌نگی و بنەرەتۍ تایبه‌تیۍ ، هه‌میشه وه‌رچه‌موو په‌یجۊرکاراو بواره جیاجیاکانه بیه‌ن و هه‌ن.
هه‌رچن تا ئیسه په‌یجۊرکاریۍ فرۍ جه باره‌و ئی خه‌زێنه زانستی و فه‌رهه‌نگیۍ کورڎسانی و جه‌هانیره کریېنۍ، به‌ڵام تا یاوای به ڕادێوی وه‌س و زانستی، هه‌نگامۍ فرێش مه‌نێنۍ.
پانایی هه‌ورامانی فره‌ته‌ر جه 400 هه‌زار هێکتاران و فره‌ته‌ر جه 700 ده‌گایان جه مه‌رزوو ۋەرکەوتوو کورڎسانی و پانیشتوو کورڎسانی که به‌شێوه فره جه پارێزگاکاو کرماشانی و کورڎسانی(سنە) و هه‌ڵه‌بجه‌ی گێرۊۋه.
ساڵه‌و 1399یه‌نه وه‌رچه‌می فه‌رهه‌نگی هۊرامان/ئه‌وراماناتی پێسه‌و ویس و ششۊمین میراسی جه‌هانی کورڎسانی جه یۊنسکۊنه تۊمار کریا که هه‌میه‌توو وشکنای و ئه‌ژناسای زانستی و ڕێک و پێکوو ئی مه‌حاڵیشه فره‌ته‌ر که‌رڎه‌ن.
په‌یجۊرگای کورڎسان ئه‌ژناسی زانشتگاو کورڎسانی، زانشتگاو هه‌ڵه‌بجه‌ی، پارێزگارو کورڎسانی و ئیداره‌و کەلەپورو میراسی فه‌رهه‌نگی و پیشه ده‌سیه‌کا و گه‌شتوگېڵی، جه سەرەکی تەرین هه‌رمانه کۊمه‌ڵایه‌تیه‌کاشا و حه‌رپاسه به پاو ئا خاڵا که وارۊ ئیشاره‌شا پنه کریان، قەرارشا دان که هه‌مامێۋی به‌ین نه‌ته‌ۋه‌یی گێرا. ئی هەمامە ئەشییای جە 12و خەزانوو 1401ی کۊچی وەرەتاۋینە لوۍ راۋە کە بە مەڵامەتو ئاخێزوو "ژەنی، ژیای ئازاڎیی" جە ئێران و وەرکەوتوو کورڎسانی پەی 13و 14و پاژەرەژوو 1402 کۊچی وەرتاوی دما کۊت.
*یاوگای ڕاۋه‌به‌رڎه‌ی هه‌مامه‌ی:
١. نیشان دای ئاخەرین ده‌سکۊ‌ته زانستی و په‌یجۊرکاریه‌کا جه باره‌و ھۊرامانیۊ.
٢. ڕێک ۋسته‌ی ڕا و بانی په‌ی ئه‌ژناسای زانستی هۊرامانی.
٣. ڕێک ۋسته‌ی ڕا و بانی په‌ی په‌ره په‌نه‌دای په‌یجۊرکاریه زانستیه‌کا و پته و هێقم که‌رڎه‌ی سه‌رچه‌مه زانیاری و زانستیه‌کا.
٤. ڕێک ۋسته‌ی بنه‌مایاو په‌یجۊرکاری جه ڕاستاو گه‌شه که‌رڎه‌ی پایه‌داروو مه‌حاڵه‌که‌ی و هێقم که‌رڎه‌ی بنه‌مایه‌کاو گه‌شه که‌رڎه‌ی پایه‌داری به ئه‌ژناسای گلېرگە مه‌حه‌لیه‌کا.
٥. ئه‌ره‌مه‌رزنای تۊڕۍ به‌ین نه‌ته‌ۋه‌یۍ په‌یجۊرکاراو بابه‌توو هۊرامان ئه‌ژناسی.
٦. ڕێک ۋسته‌ی نزیکۊ بیه‌ی جه ڕادەی مه‌نته‌قه‌یی و به‌ین نه‌ته‌وه‌ییه‌نه په‌ی به‌رنامه چنیه‌ی و گه‌شه په‌نه‌ڎای مه‌حاڵه‌که‌ی به وه‌رچه‌مێوی ئەوەمەن.
٧. بەقیمەت که‌رڎه‌ی ئا چێوا که دماو تۊماری جەھانینە مه‌یا وه‌رۊ په‌ی هۊرامانی جه چوارچېۋەو ئایندەوازینە.
٨. ئه‌ژناسای تایبه‌ڎمه‌ندیه کۊمه‌ڵایه‌تیه‌کاو گلېرگە مه‌حەلیه‌کا و په‌ره‌ڎای په‌یجۊرکاریه تاریخی و کۆمه‌ڵایه‌تی و هه‌رمانه پێۋه‌ره‌یه‌کا.
*تەوەرەکۍ کۊنفرانسو ھەمامەی
"هونەر، مووسیقی و پێشە ده‌سیه‌کۍ، مێعماری و نموونه‌کۍ یاگه‌نشین بیه‌ی
ئێقتێساد (ئابووری)، گلېرگەی، نموونه‌کۍ هاوماڵی و پێوه‌ره ژیۋای
میراسی زەمین ژناسی، سروشتی و دێرێنە ئەژناسی ژیوگای، فره‌جۊری زیننه‌وه‌ر و زیننه‌وه‌رئه‌ژناسی، حەشیمەت و جوغرافیای ئینسانی، فەرهەنگ و خەڵک ئەژناسیی، تاریخ
، شۆنه‌وارئه‌ژناسی".
ژەنی و ۋەردەوامی ژیۋای کۊمەڵایەتی و ئابووری (ئێقتێسادی).
"تاقمە کۊمەڵایەتیەکۍ و فاڕوگۊڕی کۊمەڵایەتی، پەیجۊرکاری دماڕۊی، ئەوە فاڕیای و وەرپەنگۍ، بەڵگۍ، سەرچەمۍ و ده‌سنۋیس ئه‌ژناسی، دین و فه‌رهه‌نگ و میراسی مه‌عنه‌وی
، زوان، ئەدەبیات ، . . . و ئوستوورەی، فەناوەری و زانستی وێمانە، گەشەی ئەوەمەن و گەشت وگێڵ".
ھ . ش
