ڕەژاک: مشۊم سوپاو عێراقی مەخموورنە کێشیۊوە
ڕێکوزیاو ژەناو ئازاڎیی کورڎسانی (ڕەژاک) هێرشەکاو حوکمەتوو عێراقیش پەی سەروو کامپوو مەخمووری ئیدانە کەرڎۍ و ئەرەیاوناش، مشۊم هێزەکاو عێراقی کامپوو مەخموورینە کێشیاوەۍ.
سوپاو عێراقی جە ٢٠وو ئایارینە بە دەیان سەیارۍ زرەپۊشۍ، هێزی تایبەت و پۊلیسۍ حەوڵێش دۍ کامپوو مەخمووری تەلبەند کەرۊۍ.
سوپاو عێراقی گەرەکشا کامپوو مەخمووری تەلبەند کەرۊ، وەلێم گەلوو مەخمووری دژوو ئا سەپنایە وەرگێری کەراۍ. گەلوو مەخمووری وەراوەروو سوپاو عێراقینە مرڎێنێۍ. وەختێوە سوپاو عێراقی تەقەش جە خەڵکی کەرڎ، خەڵکیچ بە تەوەنی داشا سوپۍ و سوپاشا ناچار بە کێشیایۊ کەرڎە، جە تەقەکاو سوپاو عێراقینە گەنجێوە بە نامۍ ئەحمەد ئۊنەری بریندار بیۍ.
ڕەژاک بارەو تەلبەندکەرڎەی و هجوومەکاو دەوڵەتوو عێراقیوە دژوو کامپوو پەنابەراو گەشمەرڎە ڕۊستەم جودی (مەخمور)ی ئەرەیاونایوەش وەڵا کەرڎۊ و ئەرەیاوناش، هجوومەکۍ سەروو داواو دەوڵەتوو تورکی کریاۍ.
ڕەژاک واتیچش، "دەوڵەتوو تورکی فاشیستی و هامکارەکێش مەتاوا ئیرادەو گەلوو کامپوو گەشمەرڎە رۊستەم جودیی ماڕاۍ. وەروو ئانەیچ ئیسە ڕێبازوو دژ بە ئینسانیەتی دژشا تاقی کەراوەۍ. ئا هجوومی نیشانۍ وڕیای و ماڕای هێزە ئەرەگیرەکانۍ، چونکوم گەلوو کورڎی بە کولتووروو مدرامانی و ئیرادەی ئازاڎوو وێش بنیاتش نیێنێ"ۍ.
ڕەژاک ئەرەیاوناش، پەشتیوانیی گەلوو مەخموورینۍ و واتیچش، "ئێمە بەتنڎی ئا هجووما ئیدانە کەرمۍ و گەرەکمانە سوپاو عێراقی کێشیۊوە"ۍ.
سۍ.ز
