ژمارەو قوربانیا تەقینەوەکەو بەندەر عەباسی ئینا بەرزبییەیۆنە
ڕۆو شەممەی جە بەندەر عەباسو ئێرانینە تەقینەوێوە گۆرە ڕووەشدا، بە پاو ئامارەکا تا ئیسە ١٤ کەسێ گیانشا جە دەسدان و نزیکەو ٨٠٠ کەسا تەرێچ زامڏارێ بیێنێ و زامو بڕێشا سەختا.
بە پاو میدایاکا ئێرانی، بەمەڵامەتو ڕووەداو تەقینەوەكەو هیزی بەندەر عەباسی نزیکەو ٨٠٠ كەسا زامڏارێ بیێ و هەرپاسە ١٤ کەسیچ گیانشا جەدەسدان و ئەگەر و بەرزبییەیۆ ژمارەو گیان جەدەسدایەکا هەن.
بە پاو وەرپرسو مییانو پەیوەندییە گرڏییەکا و ئەرەیاوناو وەزارەتو تەندروسیی و پەروەردەو دکتۆرو ئێرانی جە بارەو دماین ئامارەو قوربانیا تەقینەوەکەو بەندەر عەباسی جە ڕاپۆرتێوەنە پی جۆرە زانیاریش وست ڕووە.
بەمەڵامەتو ڕووەدای تەقینەوەكەو هیزی بەندەر عەباسی نزیکەو ٨٠٠ كەسا زامڏارێ بیێ و بەشێوە فرە چانیشا ئینه هورگێرتەو چارەسەری دکتۆرینە.
ئاماژە پانەیش کریا، ٣٧٨ کەسێ تەرێ کە بە سەختی زامڏارێ بیێنێ ئینێ چێرو چەمدێری دکتۆرینە و تەندرووسیشا ناجێگیرا. ژمارەو گیان جەدەسدای بەمەڵامەتو ڕووەداکەی یاوان ١٤ کەسێ، بەڵام ئەگەرو بەرزبییەیۆ ژمارەو گیان جەدەسدای هەن.
