جە سەروبەنڎوو کەرڎەیۊ بنکەو بانگەشەو ورچنیەینە واننە، هامسەرۊکەو پارتوو چەپی سەوزی "چیدەم کلچگون ئوچار"ە، واتش، "پەیاموو مدرامانوو سیاسەتمەدارە زینڎانیکریایەکاما و مدرامانوو هامڕایەکاما ئانەن، 'ڕژێموو ئاکەپەی ملۊ و ئێمە مەیمێ'. ڕژێمی تاکەکەسی ملۊ، ژەنی، گەنجۍ و گەل سەرۍ گنا."

ئوچارە ئاماژەش بە داواکارییەکاو دیموکراسی و فاڕیای جە گلێرگەنە کەرد و واتش، "دەسەڵات گۊشەگیری، کەمترین کرۍ و مووچە، تندوتیژی، کوشتەی ژەنا و سزانەدای ئا پیایا کە ژەنی کوشا،ش سەروو ئێمەرە سەپنان. ئێمە جە هامپەیمانیی جمهوری و هامپەیمانیی میللەتی گەورەتەرێنمۍ، چونکوم ئێمە خەبات و کۊشیایۍ فرە گەورە بەرمۍ ڕاوە. جیای ئا دەسەڵاتی، کە واچۍ، 'ژەنی بۊ یا زارۊڵە، حەرچیۍ پێویس بۊ مشۊم وەراوەرشا کریۊ'، ئێمە حەوڵۍ مدەیمۍ سیستمێوە تازە و دیموکراسی بونیاد بنیەیمۍ. ژەنی کۊشایۍ گەورەشا وستەن سەروو شانەو وێشا و تا ئیساتۍ ئارڎەنشا. ئێمە وەعد بە گردوو ژەنا مدەیمۍ، کە دسەڵاتوو ئاکەپەی و مەهەپەی وڕنمۍ، کە دوژمنوو ژەنا و کورڎان و ئێمە نمازمۍ حیچ کەسێوە ناچاروو ئادیشا بۊ".

س.ز