ڕژێموو ئەرگیروو ئێرانی، بۊنەو پاڵپەشتیکەرڎەی شۊرشوو 'ژەنی، ژیوای، ئازاڎی'یوە ٤مامۊسۍ ئایینیێش سزادێ
بۊنەو پاڵپشتیکەرڎەی جە شۊرشوو ''ژەنی، ژیوای، ئازاڎی''یوە ڕژێمی کۊنەپەرسوو ئێرانی سزاو ١١ساڵا زیندانییش ملوو چوار مامۊسا ئاینییارە سەپنا.
چوار مامۊسۍ ئاینیۍ کە خەڵکوو شاروو پیرانشارینۍ، بە نامەکاو شەریف مەحموود پوور، سەید سولەیمان ئەحمەدی، سەید جەمال واژی و یوونس نەوخای بۊنەو پەشتگیریکەرڎەی جە شۊرشوو ''ژەنی، ژیوای، ئازاڎی"یوە لاو دادگای تایبەت بە مامۊسا ئایینیاو ڕژێموو قەنارەو ئێرانیوە سزاو ١١ ساڵا زیندانیکەرڎەیشا ملەرە سەپییا.
ئاماژە پانەیە کریان، ئا مامۊسا ئایینیۍ بۊنەو پەشتگیریکەرڎەی وەنەو بەیاننامەو مامۊسایاو کوردستانیوە پەی پەشتیوانی وەنەو شۊرشوو "ژەنی، ژیوای، ئازاڎی"یوە و بە تۊمەتەو بەشداریکەرڎەی جە ناڕەزایەتییە جەماوەرییەکا، هەوڵدای پەی تێکدای ئاسایشی نەتەوەیی و هەوڵۍ لاڕارەبەرڎەی گلێرگەی لاو دادگای تایبەتوو مامۊستایاو ورمێوە، سزاو زیندانیکەرڎەیشا ملەرە سەپییان.
