جە هەورامان بەگردی و جە پاوە شار و دەوروبەرش بە تایبەتی، ژەنی سەرقاڵی وەرزشە جۆر بەجۆرەکانێ و جە ئی چوارچوەنە چنڎین گروهێشان دروستێ کەردێنێ کە کۆمیتەو کەشەوانی هەیات-ی یۆ جە ئا گروهانە.
ئارۆ ٣ شەممە، پاوە پرێس وەڵاوشکەردەنەوە؛ کە ژەنە کەشەوانەکێ کۆمیتەو کەشەوانی هەیات-ی جە بەردەوامی کار و کۆشای و چالاکییە وەرزشیەکانشانە، جە دەگاو خانەگایەوە تا هانەو شێخ حەسەنی کۆپیماییشان کەردەن. 

سەرچەمێوە جە پاوەوە ئە ئاژانسەکەیمان فوڕات نیوزی (ANF)یش وات: جە میانەو کۆپیمایی و کەشەوانییەکەیەنە ژەنە بەشداربیەکێ وەشحاڵی وێشان بە چالاکییە وەرزشییەکەی نیشانەدا و وازیارێنێ پەی تەندروستی و وەخت سەربەردەی، ژەنی پاوەی و هەورامانی زیاتەر پەیوەستێ کەشەوانی و کۆپیمایی یان وەرزشەکێ تەرێ ببانێ و گۆش بە قسێ و باسا و تانێ و تەشەران نەڎانێ و یانەکانشانە بزیانێرە و وەرزشی بوزانێ دلێ بەرنامەو ڕوانەیشان.