پارتو یەکسانی و دیموکراسیی گەلا (دەم پارتی) تەکیرداغ، جە تەلارەو کۆنفرانسەکا ئونال بایسانی، دووەمین کۆنگرەو ئاسایش بینا. هامسەرۆکۊو گرڎی دەم پارتی، تولای حاتەم ئۆغۆللارییە و ئەنداماو ئەنجوومەنو ئەڎایا ئاشتی، ڕاوەبەرا جەمەو کەلتوور و هونەری میزۆپۆتامیای و زانایا ئایینی و نوێنەرې ڕێکوزیاکا بەشدارۍ بێنې.

دماو هۊرچنیەی دیوانی، کۆنگرەکە بە دەیەقێوە ڕێزگېرتەی دەسش پنە کەرڎ. دماتەر هامسەرۆکۊو گرڎیی دەم پارتی، تولای حاتەم ئۆغۆللارییە قسێش کەردۍ.

'مشۊم هەنگامەی ۋەرچەمە بنریۆ'

تولای حاتەم ئۆغۆللارییە سەرنجش وست سەرو بانگەوازەکەو ڕابەر ئاپۆی و قەرارەکاو کۆنگرەو پەکەکەی و واتش:

"کاتێ ئېژا ئۆجالان "بانگەوازو ئاشتی و گلېرگەی دیموکراتیک"یش کەرڎ، واتش: "ئی بانگەوازە پەی چارەسەری ئاشتییانەی و دیموکراتیکی پرسو کوردی و دیموکراتیکبیەو تەمامو تورکیایا. پەی هاموڵاتیبیەی یەکسانیا". ماچۆ هەر گەل و باوەڕیێوە مەشۊم خاوەنو ۋېپارېزنای جەوهەری بۆ. مەشۊم گرڎ جنسې بەتایبەت ژەنا ۋێشا ڕێک وزا... یۆ جە مەبەسە گرنگەکا ئېژا ئۆجالانی جە گلېرگەو دیموکراتیکی، هېقمکەردەی ڕێکوستەی جەوهەریی ژەنان.

دماو بانگەوازەکەو ئېژا ئۆجالانی و کۆنگرەو پەکەکەی، چەمەڕێنمې کە پرۆسەکە خێراتەر بەرەو وەڵې بلۆ. پەنەوازا دۊڵەت و دەسەڵات هەنگامە بنیا. ئینې هەنگامې ڕۊشنې و ۋەرچەمېنې، مەشۊم دەمودەس بنریا. مەشۊم زینانیا سیاسی ئازاڎې بکریا. مەشۊم قەرارەکې دادگاو مافەکا مرۆڤو ئۊروپای جابەجێ بکریا. حیچ بناغېوە یاسایی پەی جابەجێ نەکەردەی قەرارەکاو دادگاو مافەکا مرۆڤو ئۊروپای نییا. بە جابەجێ نەکەردەی ئی قەرارا، تاوانە مکەرا".

پەنەوازا ئەوەکۆشایما بەهێزتەر بکەرمێ

تولای حاتەم ئۆغۆللارییە ئەرەیاوناش دیموکراتیکبییەی هەنگامێوە سەرەکییا پەی ئاشتی، دیموکراتیکبییەی و ئاشتی تەمام کەرو یەکترینێ و بەبێ یەکتری مەبانە، هەڵای تورکیا هەنگامەش پەی دیموکراتیکبییەی نەنیان، پۆکەی مشۆم ڕێکوزتەی و خەباتما زیاتەر بۆنە، واتش: "پێسەو ئێژا ئۆجالانی ماچۆنە، پەنەوازا چی پرۆسەنە وەرپرسیارێتی گرڏیما زیاتەر بۆنە. جە چینح تا عەرەبستانو سعودیەی و وڵاتا ئەمریکای لاتینی، گرڏ پشتگیریشا جە بانگەوازەکەو ئێژا ئۆجالانی کەرد. تورکیانە چنی گرڏ و  لایەنە ئۆپۆزیسیۆنەکا گلێرێ بییەیمێ و قەولی ئەرێنیشا دا. پەی بەهێزکەردە و ئی زەمینەی، مشۆم ئەوەکۆشای بەهێزتەر بکەرمێ".

پەنەوازا دەمودەس جەنگو ئێران_ئیسرائیلی مردۆ

سەبارەت بە جەنکو ئێران و ئیسرائیلی ئەرەیاوناش ئینە جەنگو گەلا نییا، بەڵکوم جەنگو هێزە ئیمپریالیستەکان پەی دەس سەرەرە گێرتەی وەرکەوتوو دلێڕاسەی، واتش: "ئا هێزێ وەڵێ سەدێوە نەخشە و وەرکەوتوو دلێڕاسەیشا متەرە، ئیسە گەرەکشانە سەر جەنۆ دیزاینش کەراوە. ئەر جەنگەکە گۆرەتەر بۆنە، مەترسییەکێ جە جەنگو جەهانی دووەمی زیاتەرێ بانە. چونکە ئا کاتە ئنە چەکی ئەتۆمی و بایۆلۆژی وەڵێ نەکەوتەبێ. ئیسە ڕووبەڕوو ئی گرڏ و مەترسییا بیمێوە. دیسان بانگەواز مکەرمێ، کە دەمودەس جەنگو ئێران_ئیسرائیلی مدرۆ. مشۆم گرڏ و لایەنەکا و بەتایبەت نەتەوە یۆگێرتەکێ هەڵوێس هورگێرانە. پەی چارەسەرو پەرسە و کوردی، پەی تورکیای و وەرکەتوو دلێڕاسەی، پەی دمای ئاردەی بە جەنگو ئیسرائیل_ئێرانی، ماچمێنە ئاشتی".

سەرەڕاو گرڏ چێوێ، ئاشتی مێ دی

جە دما دماینە واتش: "جە تورکیانە فاڕییای تازە مێ ئاراوە. بانگەوازەکەو ئێژا ئۆجالانی، ئەنجامداو کۆنگرەو پەکەکەی، کاریگەریشا سەر و بنیادنیاو سیاسیی بۆنە. جە ڕاسۆ پەی چەپی، نەتەوەپەرست و گرڏ و لایەن و کەسەکا، یاڏکەردەیۆ و هورسەنگنای پەی وێشا مکەرا. جگە جە ڕێکوزتە و ئاشتی و یەکسانی و دادپەروەری، بژاردەی تەرما نییا. سەرەڕاو گرڏ چێوێ، ئاشتی مێ دی".