دماو هرووژمو ئەمریکای پەی سەرو بنکە ئەتۆمییەکا ئێرانی، بەحرەین و کوەیت ڕاوجای دەمودەسیشا گېرتەنە ۋەرو ۋەرا ۋەر بە ئەگەرو یاوای جەنگەکەی پەی سەرو خاکەکەیشا. جە هەر دووە وڵاتەکەنە بنکەی سەروازیی ئەمریکی هەن.
تاران ئەرەیاۋناش دژو هرووژمەکا ئەمریکای، بەرژەوەندییەکا ئەمریکای جە هەرێمەکەنە مکەرا ئامانج. وڵاتا کەنداوی، ئاماڎەکاریی مکەرا پەی جەنگی چەمەڕاکریای جە هەرێمەکەنە.
وەزارەتو دلېینەو بەحرەینی داواش جە هاموڵاتیا ۋێش و ئەرەنیشتا هەرێمەکەی کەرد، تەنیا جە کاتو پەنەوازینە ڕا سەرەکییەکا بەکاربارانې. ئینەیچ پېسە ڕاوجایۍ ئەمنی و سلامەتی. هەرپاسە ڕانمایی بەرکریان کە ٧٠٪و کارمەندا کەرتو گرڎیی جە یانەنە هەرمانە بکەرا. هەرپاسە ٣٣ پەناگې وەرگری شارستانی و مېیانی باری کتوپڕی وزیێنې هەرمانە.
هەرپاسە کوەیت چن پەناگێوەش ئاماڎەکەردێنۍ پەی هەر بارێوە کتوپڕی.
هامکات بەپاو ئاژانسو فرانس پرێسی، عەرەبستانی سعودی ئاگایی ئەمنیش دان. سەرۆککۆمارو میسڕی حکومەتش ڕاسپاران کە کۆگاو واردە سەرەکییەکا ئاماڎە بکەرۆ.
