ئا مافۍ کە ژەنا بە خەباتێۋە دورودرێژ بەدەسشا ئاورڎەن چېرو دەسەڵاتو ئاکەپەینە یۊ بە یۊ چنەشا سنیۊۋە. پا عەقڵییەتۊ کە ماچۊ 'ژەنی نییەنە، خێزان هەن'، داواکاری و کێشەو گرفتەکۍ ژەنا پەشت گۊش وزیا و چارەسەر مەکریا.

ئاکەپە، کە ژەنیش جە سیاسەتی و میکانیزمەکا قەراری دوور وستېنۍ، گەرەکشا بە گېرتەو ژەنا سیاسەڎمەداری گلېرگەی بە تەمامی گۊشەگیر و تاریک کەرۊ. ژمارەو ژەنا جە پەرلەمانەنە بە مەڵامەتو سیاسەتو نوێنەرایەتیکەرڎەیۍ یەکسانی کە پارتو دیموکراتیکی گەلان (هەدەپە)ی جە تاریخو تورکیاینە یاۋان بە بەرزتەرین ئاست. چنی ئانەیچ سەڎەنە ٨٣ۍ پەرلەمانی پیېنۍ و تەنیا سەڎەنە ١٧ ژەنینۍ. جە ۋێڕاۋەبەریە دلېینەکایچەنە نوێنەرایەتیېۋە فرە کەم ھەن. جە سایەو سیستەمو هامسەرۊکی، کە جە لایەنو هەدەپەیۊ جە ھورچنیەو پارېزگاکانە جابەجۍ کریان، نوێنەرایەتیی ژەنا، کە سەڎەنە یۊی-چ نەبۍ، ئیسە یاۋان سەڎەنە ٣.٥ (سەڎەنە یەرۍ و نیم).  

ژمارەېۋە فرەیچ دیل کریېنۍ

بە مەڵامەتو هەڕەشۍ سەرو وستەیرەو هەدەپەیۊ، قەرار دریا بە پارتو چەپە سەوزەکاوە بەشڎاری جە ھورچنیەکانە کریۊ. ئی ئاژە (ڕێژە و ئاستو ژەنا)ش جە دلۍ پارتو چەپە سەوزەکانە نەفاڕان. جە لایەنو پارتو چەپە سەوزەکاوە فرەتەرین ژمارەو ژەنا کاندیدۍ کریېنۍ پۍ ھورچنیەکا ١٤و ئایاری. فرەو ئا ژەنا هەدەپەی، کە پۍ ئی نوێنەرایەتییەیە کۊشیۍ ئیسە زینڎانی کریېنۍ. جە ۋەران ۋەرو هامسەرۊکی و پەرلەمانتارا و ئەنڎاما جمیەرو ژەنا ئازاڎی (تەژا)ی ، کە پۍ ئازاڎیی ژەنا کۊشیېنۍ، فشارېۋە فرە سەپیان. بەعزۍ چا ژەنە سیاسەڎمەدارا، کە ھەڵای جە زینڎانەکانە زینڎانی کریېنۍ مەنسەبەکەشە پی جۊرەنە:

*  "عایشە گۊک خان"ە (قسەکەرەو تەژا)ی

*  "لەیلا گیوڤەن"ە (هامسەرۊکەو کەجەدە)ی

* "پەرۊ دوندار"ە  (پەرلەمانتار)ە

* "گوڵتان کشاناک"ە (هامسەرۊکەو شارەوانیی گۊرە شارو ئامەڎ)ی

* "فیگەن یوکسەکداغ "ە (هامسەرۊکەو هەدەپە)ی

* "سەباحەت تونجەل"ە (هامسەرۊکەو دەبەپە)ی.

ھ.ش