کەشو ئەزمەڕینە سلێمانی، بە سەرمەشقایەتیی ژەنە گەنجە کۆشەرا و بەشداربییەی گەنجە وەڵاتپارێزنا بە واتەیوە چندین درووشما ئاویروو نەورۆزی کریاوە، گەنجێ داواشا کەردە گەل بەشداریی ئاهەنگوو نەورۆزو بنارو قەندیلینە بکەرۆ.
ژەنی گەنجێ کۆشەرێ، کەشو ئەزمەڕینە شارو سلێمانینە، ئاویرو جەژنەو نەورۆزو کوردەوارییشا کەردۆ.
ژەنی گەنجێ کۆشەرێ بە واتەیوە درووشما "مەبارەک بۆ نەورۆز، بژیوۆ سەرۆک ئاپۆ، ژەنی، ژیوای، ئازادی" بە چلۆسکێ ئاویرەینێوە لوێ سەرو کەشو ئەزمەڕی و ئاویرشا کەردۆ.
ئەرەیاوناێوەیچشا وەڵا کەردۆ و دلێشنە ئامابێ، پێسەو ژەنە گەنجە کۆشەرا و گەنجە وەڵاتپارێزناو پانیشتوو کوردستانی، بە ماناو بەرزکەردەیۆ ئاویرو نەورۆزین، کە گرد لایێوە ڕۆشن مکەرۆوە، نەورۆزی مەبارەک مکەرمێ وەنەو ڕابەر ئاپۆی و گردوو ئا گەریلایا ئینێ مدراماننە و تەماموو گەلوو کوردی.
گەنجێ داوایچشا وەنەو گردوو گەلاو مەنتێقەکەی کەردە، کە بەشداری ئاهەنگوو مەبارەککەردەی جەژنەو نەورۆزو بنارو قەندیلینە بکەرا.
قەرار پاسەن، ٢١ـو ئی مانگێنە، ئاهەنگی جەماوەری، بە بەشداریی هەزاران کەسا و چندین هونەرمەند و گرووپە هونەرییا دەگاو ئێندزەو بنارو قەندیلینە ساز کریۆ.
